Orta küz ayınıñ 29. sabası Rusiye gemilerini Qara deñizge arbiy hızmetke çıqarmadı. Azaq deñizinde de işğalcilerniñ gemileri yoq.
Ukraina Silâlı Quvetleriniñ Arbiy-deñiz quvetleriniñ matbuat hızmeti Telegramda bu aqqında haber etti.
Aynı zamanda Aq deñizde umumen 24 "Kalibr" qanatlı raketasınıñ taşıyıcısı olğan eki Rusiye gemisi bar.
Bundan da ğayrı, keçken künü Rusiye Federatsiyasınıñ menfaatları içün Keriç boğazından Qara deñizge sekiz gemi keçti. Azaq deñizine Keriç boğazından ise on eki gemi keçti.
"Rusiye, avtomatik identifikatsiya sistemasını (AIS) söndürerek, 1974 senesiniñ Deñizde insan ayatınıñ qoruvı aqqında halqara şartnamesini (SOLAS) bozmağa devam ete", — dep qayd etildi.
Telegram, WhatsApp ve Facebookta Suspilne Qırım haberlerine abune oluñız
