Bu gece vaqtınca işğal etilgen Qırımda patlamalar duyuldı, hususan Aqmescit, Qurman ve Canköy rayonlarında patlamalar pek küçlü duyuldı. Aqyarda işğalli akimiyet ava telükesi ilân etti.
"Qırım yeli" Telegram kanalı bunı bildirdi.
Qayd etilgenine köre, saat 03:44te Canköyde ve civarında 20 patlama duyuldı. Aqmescit ve Qurman rayonlarında, Sarabuz köyünde ve Aqmescitte 8 patlama eşitildi.
"Belki de, bu, Rusiye Ava mudafaasınıñ sesi. Bütün abuneciler raketalar ateşlengenini ve yıqılğanını, atta ücümlerniñ seslerini ayırıp olamaylar. Şunıñ içün sayılğan raqamlar farqlı ola bile", — dep bildirildi.
Saat 03:13te Aqyarnıñ işğalli gubernatorı ava telükesini ilân etti. Saat 3:28de ise o, lâğu etildi.
Tahminen saat 04:19da Sarabuzda 7-8 patlama eşitildi, birinci patlaması pek küçlü edi.
"Saat 04.19da Canköy rayonında tek 12 patlama eşitildi. Birinciden 3, soñra 1 ve birden 4 kere, Ava mudafaası kibi, soñra aralıq ve daa 4 kere patladı, dep qayd etti abuneci", — dep bildirildi.
İşğalli akimiyet bu malümatnı resmen izaatlamadı.
Telegram, WhatsApp ve Facebookta Suspilne Qırım haberlerine abune oluñız
