İşğal etilgen Qırımda "Sarı şerit" vatandaşlıq areketiniñ iştirakçileri bir afta içinde biñlernen Ukraina tarafdarı levha, plakat ve graffiti tarqattılar.
Orta küz ayınıñ 25-nde areket, Telegram kanalında bildirdi.
"Soñki ay Qırımdaki narazılıq aktsiyalarında pek semereli oldı... Bu afta devamında biz Qırımdan yüzlerce fotoresim aldıq. "Bu, "Sarı şerit" areketiniñ faalcileriniñ tarqatqanları biñlernen levha, stiker, graffiti", — dep bildirildi.
Hatırlatamız ki, evel "Sarı şerit" areketiniñ faalcileri işğal etilgen topraqlarnıñ, şu cümleden Qırımnıñ, sakinleri içün stresli şaraitte ruhiy sağlıqnı saqlamaq içün üç ruhiy usulnı derc ettiler.
Bundan da ğayrı, "Sarı Şerit" "Dovidka.info" leyhasınen beraberlikte VİET, şu cümleden Qırım sakinleri içün mahsus bir brauser ve "Sen Ukrainadasıñ" bedava VPN hızmetini işlep çıqardılar. Bu ukrain saytlarını ve haberlerni telükesiz sürette baqmağa imkân berecek.
Telegram, WhatsApp ve Facebookta Suspilne Qırım haberlerine abune oluñız
