Rusiye Mudafaa nazirligi, orta küz ayınıñ 23. gecesi Rusiye ava mudafaası vastaları 14 ukrain uçucısız aletini yoq etkenini bildirdi, olardan 10 dronı işğal etilgen Qırım üzerinde edi.
Rusiye mudafaa nazirligi Telegram kanalında bunı bildirdi.
"Ava mudafassı sisteması on dört ukrain uçucısız aletini yoq etti ve yaqaladı. Dört uçucısız alet Rostov vilâyetiniñ üzerinde yoq etildi ve on dron ise Qırım Cumhuriyetiniñ üzerinde tüşürildi", — dep bildirildi.
Olar şunı da qoştılar ki, Qara deñizde dört ukrain taqımsız katerini yoq ettiler.
Hatırlatamız ki, orta küz ayınıñ 8-nde Aqyarnıñ işğalli gubernatorı Mihail Razvojayev, Qara deñiz üzerinde Rusiye ava mudafaasınıñ vastaları tarafından ava maqsadı urulğanını bildirdi.
Telegram, WhatsApp ve Facebookta Suspilne Qırım haberlerine abune oluñız
