Sağlıq vaziyeti sebebinden acele tibbiy yardımğa muhtac olğan 77 yaşındaki ukrain qadını vaqtınca işğal etilgen Qırımdan muvafaqiyetnen tahliye etildi. Qadın Ukrainanıñ kontrolindeki topraqqa qaytarıldı.
Ombudsman Dmıtro Lubinets Telegramda bunı yazdı.
Ukraina vatandaşı ağır alda edi ve işğal etilgen topraqta temin etilmegen daimiy tibbiy yardımğa muhtac edi. Oña yerli sakinler yardım etken edi, amma hastahanede çoq vaqıt yatqan soñ, qorantası Ombudsman Ofisine muracaat etti.
Orta ğayretlernen beraberlikte çalışıp, onı tahliye etmek içün bütün kerekli vesiqalarnı azırlap, Ujğorod şeerine qadar tibbiy yardımnı temin ettiler, anda qadın qorantasınen birleşti.
Telegram, WhatsApp ve Facebookta Suspilne Qırım haberlerine abune oluñız
