"Ateş" arbiy-partizan areketi Rusiye işğalcileri Qırımnıñ ğarbiy yalısını quvetleştirgenlerini bildirdi. Alman Yılğası rayonında olar, yañı qamaçav noqtalarını qurıp, tunnellerni qazıp, bölüklerni tikenli telnen qapattılar
Bunı "Ateş" öz Telegram kanalında yazdı.
Olar bildirgenleri kibi, rusiye işğalcileri "ukrain gizli areketleriniñ vekillerini qıdıraraq" maşnalarnı toqtatalar, bagaj ve şahsiy eşyalarnı teşkereler.
"İşğalciler, olarnıñ arasında, çeşit qurulışlarda, şu cümleden uquq qorçalayıcılar arasında, bizim agentlerimiz bar olğanını bileler. İşğalciler ve olarnıñ tarafdarları arasında kerginlik peyda ola. Qırımlılarnı qanunsızlıq ve repressiyalarğa dayanmağa çoq vaqıt qalmağanına işandırmağa isteymiz", — dep bildirildi.
Hatırlatamız ki, "Ateş" arbiy-partizan areketiniñ agentleri, yerlerini deñiştirmege mecbur olğan mobil benzin stantsiyalarınıñ faal areketlerini qayd eteler.
Telegram, WhatsApp ve Facebookta Suspilne Qırım haberlerine abune oluñız
