Orta küz ayınıñ 14. sabası işğalciler Qara deñizge 8 "Kalibr" qanatlı raketasını taşığan eki gemisini arbiy hızmetke çıqardılar. Azaq deñizinde işğalcilerniñ gemileri yoq.
Ukraina Silâlı Quvetleriniñ Arbiy-deñiz quvetleriniñ matbuat hızmeti Telegramda bu aqqında haber etti.
Aynı zamanda Aq deñizde eki Rusiye gemisi bar, olardan biri - umumen 12 "Kalibr" qanatlı raketasınıñ taşıyıcısı.
Bundan da ğayrı, keçken kün Rusiye Federatsiyasınıñ menfaatları içün Keriç boğazından Qara deñizge eki gemi keçti, olardan biri İstanbul boğazı yönelişine areket ettiler. Azaq deñizine Keriç boğazından yedi gemi keçti, olardan iç biri İstanbul boğazı yönelişine areket etmedi.
"Rusiye, avtomatik identifikatsiya sistemasını (AIS) söndürerek, 1974 senesiniñ Deñizde insan ayatınıñ qoruvı aqqında halqara şartnamesini (SOLAS) bozmağa devam ete", — dep qayd etildi.
Telegram, WhatsApp ve Facebookta Suspilne Qırım haberlerine abune oluñız
