Türkiye Cumhuriyetiniñ parlamentiniñ mebusları, Türkiye-Ukraina dostluq deputatlar gruppasınıñ azaları Tuğrul Türkeş, Lütfü Türkлan, Utku Çakırözer ve Ali Öztunç Rusiye tarafından qırımtatar halqına qarşı yapılğan basqını takbih ettiler.
Olar Ankarada ukrain delegatsiyasınen körüşkende bunı bildirdiler, dep orta küz ayınıñ 11-nde QIRIM.News haber etti.
Hususan, Ali Öztunç ukrain ve qırımtatarlarnıñ siyasiy baqışları sebebinden işğalciler tarafından azatlıqtan marum etilmesine qarşı çıqtı.
Lütfü Türkkan, qırım siyasiy mabüsleriniñ, olarğa qabaatlanğan terrorizmnen iç bir alâqası olmağanını bildirdi. Onıñ aytqanına köre, dünyada terror ve terrorizmniñ añlamını deñiştirmek kerek. Mebuslar şunı da qayd etti ki, qırımtatarlarnıñ vatanı — tek Qırım degil, Türkiye de.
Aynı zamanda mebuslar Utkı Çakirözer bildirdi ki, Qırımdan siyasiy mabüslerniñ azat etilüvi Alyans azalarınıñ Parlament assambleyası çerçivesinde NATOnıñ parlamentlerarası ortaq eyyetinde muzakere etilecek.
Bundan da ğayrı, dostluq deputat gruppasınıñ reisi Tuğrul Türkeş, orta küz ayınıñ 24-nde Riğa şeerinde keçirilecek halqara Qırım platformasınıñ üçünci Parlament sammitinde iştirak etecegini qayd etti. Anda o, Kremlniñ ukrainalı mabüsleriniñ azat etilmesi meselesini çezmek kerek.
Aynı zamanda Türkiyedeki Ukraina elçisi Vasıl Bodnar, türk mebuslarına siyasiy mabüsler meselesine diqqat ayırğanları ve siyasiy mabüslerge4 qoltutqanları içün teşekkürler bildirdi.
Qırımtatar Milliy Meclisiniñ reisiniñ birinci muavini, sabıq siyasi mabüs Nariman Celâl, Türkiye tarafınen sübetleşip, 220 ukrain siyasiy mabüsi, olardan 136-sı — qırımtatar bar olğanını hatırlattı. Olar işğal ve adaletsizlikke qarşı çıqa ediler.
Hatırlatamız ki, Suspilne Qırımınıñ "Din nezaret altında" çoq seriyalı leyhasınıñ birinci bölümi işğalciler tarafından mustaqil musulman cemiyetleriniñ taqip etilüvi aqqında tarif etildi ve işğal etilgen Qırımnıñ diniy serbestlik yarımadası olaraq adlandırılmasınıñ sebepleri aydınlatıldı.
Telegram, WhatsApp ve Facebookta Suspilne Qırım haberlerine abune oluñız
