Cenübiy bölge arbiy makemesi, Yuqarı Uralnıñ 1. apishanesiniñ memuriyeti 18 yıl apis cezasına maküm etilgen qırımtatar siyasiy mabüsi Şaban Umerovnıñ üküm şartlarını yañlış izaatladı, dep qarar berdi.
Bunı Qırım birdemligi bildirdi.
Advokat Edem Semedlâyevniñ aytqanına köre, ükümge binaen, Umerov bir yıl apishanede qalmalı, soñra onı sert rejimli müstemlekege avuştırmaq kerek edi. Amma müessiseniñ memuriyeti Umerov bir yıldan çoq apiste qalmalı, dep israr etti.
Cenübiy bölge arbiy makemesi, mabüsniñ SİZOda yatqan müddetini esapqa alıp, bir yıldan çoq apishanede qalmamaq kerek olğanını tasdıqladı.
Şaban Umerov aqqında ne bilemiz
Şaban Umerov 2019 senesi saban ayınıñ 27-nde Qırımda qırımtatarlarnıñ evlerinde keçirilgen tintüvlerden soñ tutuldı. Onıñnen beraber uquq qorçalayıcı organlarınıñ hadimleri daa 20-den çoq qırımtatar cemaat faalcisini tuttılar.
2022 senesi saban ayında Cenübiy bölge arbiy makemesi oña Rusiye Ceza kodeksiniñ 205.5 maddesine binaen 18 yıl apis cezasını berdi. Ükümge binaen, Şabanov beş yıl apishanede, qalğanını ise koloniyada keçirecek edi.
2023 senesi martnıñ 28-nde Apellâtsiya arbiy makemesi Cenübiy bölge arbiy makemesiniñ qararını deñiştirmedi.
Dava malümatına köre, qabaatlanğanlarnıñ elinde silâ, patlayıcı, arbiy yedekler yoq edi, olar terror areketini yapmağa planlaştırmay ediler ve başqalarnı terror areketlerine çağıra ediler.
Telegram, WhatsApp ve Facebookta Suspilne Qırım haberlerine abune oluñız
