"Ateş" arbiy-partizan areketi Qırımdaki S-300 ava mudafaası kompleksine raketalarnıñ ketirilmesini qayd etti. Berilgen malümatqa köre, agentler Keriç köprüniñ yanında yerleşken mudafaa merkezine raketalar ketirilgenini qayd ettiler. İşğalciler bu şekilde öz arbiy obyektlerine yapılacaq kütleviy ücümni toqtatmağa azırlana bile.
Arbiy-vatanperver areketiniñ Telegram kanalında bu aqqında yazıldı.
Partizan areketiniñ qayd etkenine köre, rus işğalcileri öz arbiy obyektlerine, hususan Keriç köprüne, kütleviy ücümni toqtatmağa azırlanalar. Rusiye ordusı onı er türlü yolnen saqlamağa tırışa.
"İşğalcilerniñ mudafaasını zayıflatmaq ve Ukraina Mudafaa quvetlerine muvafaqiyetler qazanmağa yardım etmek içün raketalarnıñ taşıma marşrutlarını taqip etmege devam etemiz", — dep bildirildi.
Hatırlatamız ki, Rusiye işğalcileri Qırım köprüniñ mudafaasını pekitmege devam eteler, onı Ukraina tarafından ola bilecek ücümlerden qorumağa tırışa.
Telegram, WhatsApp ve Facebookta Suspilne Qırım haberlerine abune oluñız
