Ruslar, işğal etilgen Qırımnıñ müstemlekeleri ve taqiqat izolâtorlarında (SİZO) 60 yaşından büyük olğan 17 siyasiy mabüsni, şu cümleden Nova Kahovkadan jurnalist ve yazıcı Serhiy Tsıpihanı tutalar. Çoqusı 5 seneden 18 senege qadar apis cezasını aldı.
Berim ayınıñ 25-nde Qırımtatar Maaliy Merkezi (QMM) bu aqqında haber etti.
Qırımnıñ işğalci akimiyeti tarafından esir alınğan yaşlar:
- Abbozov Seityağa – 66 yaşında;
- Aliyev Renat – 60 yaşında;
- Bekirov İnver – 61 yaşında;
- Gaziev Servet – 64 yaşında;
- Goldenberg Valeriya – 63 yaşında;
- Dovğopola Ğalına – 69 yaşında;
- Yeyupov Azamat – 61 yaşında;
- Kiselov Oleksiy – 60 yaşında;
- Lıtvınük Oleksandr – 63 yaşında;
- Maladıka Volodımır– 62 yaşında;
- Mambetov Halil – 69 yaşında;
- Muratov Zekirya – 67 yaşında;
- Nagayev Ruslan – 60 yaşında;
- Ömerov Enver – 62 yaşında;
- Prıhodko Oleh – 66 yaşında;
- Seidaliev Nasrulla – 64 yaşında;
- Tsıpiğa Serhiy – 63 yaşında.
QMM Rusiyeni, şu qayd etilgen adamlarnı ve başqa siyasiy mabüslerni acele azat etmege ve Qırımda insan aqlarınıñ bozulmasını toqtatmağa çağıra.
Merkezniñ qayd etkenine köre, yaşı sebebinden böyle apis cezaları qırım siyasiy mabüsleri içün ölüm ola bile. Hususan, ağır ve hronik hastalıqları olsa, olarnı SİZO ya da müstemleke şaraiti, müessiselerniñ memuriyet tarafından şikâyetlerniñ muntazam red etilüvi ve yaramay, vaqıtında berilmegen tibbiy yardım qıyınlaştıra.
"Mabüslernen munasebetniñ minimal standart qaidelerine köre, olarnıñ episi, kerçekten de, olmağan tibbiy yardımğa saiptirler. Sağlığı fena olğan qartlar içün müstemleke ve apishanelerde ağır apis cezaları ise — işkenceniñ ayrı bir şeklidir", — dep bildirildi.
Telegram ve Facebookta Suspilne Qırım haberlerine abune oluñız
