Berim ayınıñ 26. sabası Rusiye Qara deñizge dört raketanen "Kalibr" qanatlı raketasınıñ taşıyıcısı olğan bir gemisini arbiy hızmetke yolladı. Azaq deñizinde işğalcilerniñ gemileri yoq.
Ukraina Arbiy-deñiz quvetleriniñ matbuat hızmeti Telegramda bunı bildirdi.
Aynı zamanda Aq deñizde "Kalibr" qanatlı raketasınıñ taşıyıcısı olğan bir rusiye gemisi bar. Umumen 16 raketağa saiptir.
Bundan da ğayrı, keçken künü Rusiye Federatsiyasınıñ menfaatları içün Keriç boğazından Azaq deñizine 17 gemi keçti, olardan beşi İstanbul boğazına areket etti. Qara deñizge ise Keriç boğazından sekiz gemi keçti, olardan beşi İstanbul boğazına areket etti.
"Rusiye, avtomatik identifikatsiya sistemasını (AIS) söndürerek, 1974 senesiniñ Deñizde insan ayatınıñ qoruvı aqqında halqara şartnamesini (SOLAS) bozmağa devam ete", — dep qayd etildi.
Telegram ve Facebookta Suspilne Qırım haberlerine abune oluñız
