Berim ayınıñ 25. sabası işğalciler Qara deñizge "Kalibr" qanatlı raketasınıñ taşıyıcısı olmağan bir gemisini arbiy hızmetke yolladılar. Azaq deñizinde işğalcilerniñ gemileri yoq.
Ukraina Arbiy-deñiz quvetleriniñ matbuat hızmeti Telegramda bunı bildirdi.
Aynı zamanda Aq deñizde biri 16 raketağa saip olğan "Kalibr" qanatlı raketasınıñ taşıyıcısı olğan bir rusiye gemisi bar.
Bundan da ğayrı, keçken künü Rusiye Federatsiyasınıñ menfaatları içün Keriç boğazından Azaq deñizine sekiz gemisi keçti, ekisi İstanbul boğazı yönelişine areket ettiler. Qara deñizge ise on gemi keçti, olardan yedisi İstanbul boğazı yönelişine areket ettiler.
"Rusiye, avtomatik identifikatsiya sistemasını (AIS) söndürerek, 1974 senesiniñ Deñizde insan ayatınıñ qoruvı aqqında halqara şartnamesini (SOLAS) bozmağa devam ete", — dep qayd etildi.
Telegram ve Facebookta Suspilne Qırım haberlerine abune oluñız
