Çoqusı qorantalar tintüv ve yaqalavlar aqqında sussalar, mesele çezmege yardım etecegine ümüt etkenine baqmadan, işğalciler uydurılğan cinaiy qabaatlamalarnı qorquzuv aleti olaraq qullanmağa devam eteler.
Qırımtatar Maaliy Merkeziniñ idare reisi, Qırımtatar Milliy Meclisiniñ azası Eskender Bariiev öz Facebook saifesinde bunı bildirdi.
Onıñ malümatına köre, soñki künleri Ukraina vatandaşlarını taqip etüvniñ yañı adiseleri belli oldı:
Murat Kadırov (Aqyar ş.) 2023 senesi kiçik aynıñ 14-nde "terrorizmni maliye etüv"de qabaatlanıp apiske alındı. Sekiz sene evelsi o, az kelirli adamğa 3000 ruble yollağanı sebebinden onı 205. maddeniñ 1-inci qısmına binaen apiske aldılar. O, 10 senelik apis cezasına maküm etildi. Murat yunan-roma küreşinen oğraşa, yarışlarda çoq mukâfat qazana ve şahsiy iş adamı olıp çalışa. SİZOda bulunğan vaqıtta onı 20 kere elektrik şoknen urdılar.
Rustem Mevlütov (Şçaslıvtseve köyü, Geniçesk rayonı) 2023 senesi ilk qış ayınıñ 8-de Noman Çelebicihan adına göñülli batalyonda iştirak etkeninde qabaatlanıp apiske alındı. O, 3,5 senege üküm etildi.
Eskender Avcı (Semıhatkı köyü, Geniçesk rayonı) 2023 senesi oraq ayınıñ 25-nde apiske alındı ve aynı batalyonda iştirak etkeni içün 3,5 senege maküm etildi. Onıñ bir yaşındaki qızı bar ve şimdi Rusiye Federatsiyasınıñ Vladimir merkezinde apis cezasını çekmekte.
Amina Kadırova 2024 senesi qara qış ayında apiske alındı. Yedi aydır Noman Çelebicihan adına göñülli batalyonda iştirak etkeninde qabaatlanıp, ev apsinde bulunmaqta.
"Daa onlarnen insan, tuvğanlarına olğanlarnı aytmağa qarar almay", — dep Bariiev ayttı.
Telegram ve Facebookta Suspilne Qırım haberlerine abune oluñız
