İşğal etilgen Qırımnıñ Keriç köprü yanındaki Tuzla adasında Rusiye askerleri soñki afta devamında ava mudafaası sistemalarını (AVS) yerleştirgen platformalarnen eki metall qulle qurdılar. Hususan, "Pantsir-S1M" zenit raketa-top kompleksleri aqqında söz yürsetile.
Berim ayınıñ 22-nde Jurnalist taqiqatları merkezi (JTM) bu aqqında haber etti.
"Açıq qullanılğan foto ve video malümatına köre, bir afta içinde işğalciler, Tuzla adası boyunca köpürniñ yanında eki metall qulle qurdılar. Olar deñiz seviyesinden 30-35 metr yükseklikte", — dep bildirildi.
Taqiqatçılarnıñ malümatına köre, er bir qulleniñ töpesinde işğalciler ZRGK "Pantsir-S1M" uruş modullerini yerleştirdiler.
O, ilk sefer berim ayınıñ başında köpürde qayd etildi. ZRGK, sistemanıñ taktik-tehnikiy hususiyetlerine uyğun olaraq, 15 kilometr yüksekliginde ve 20 kilometr radiusında "telükesizlik qubbesi"ni yaratıp, kene de onıñ üzerinde, tirenilgen ve teger şassisinde yerleşe bile. "Pantsir"ler qoruv radiusını arttırmaq içün birleştirile bile.
"KamAZ-53958 şassisine qurulğan, sahra tüslerine boyalanğan zırhlı kabinasınen AVSnıñ ihracat variantı, modelniñ ava maqsadlarına zarar ketirüv mesafesi ve yüksekligi arttırıldı", — dep qoştılar Merkezde.
Bundan ğayrı, Keriç tarafındaki inşaat meydançığında böyle transformatorlar qayd etildi. Taqiqatçılar tüşüneler ki, işğalciler bu qullelerni köpürniñ yanında qurmağa planlaştıralar.
Bundan da başqa, ruslar deñizde köpürniñ yanında, obyektni deñiz dronlarından qorçalamaq içün, deñizde maden "kirpi"lerni yerleştireler.
Telegram ve Facebookta Suspilne Qırım haberlerine abune oluñız
