İşğal etilgen Qırımda yerli sakinler Google Maps kibi navigatsiya hızmetlerinde meselelernen rastkeleler. Qullanıcılar yollarnıñ yañlışlığı ve sistemadaki bozmalarğa şikâyet eteler.
Qırımtatar Maaliy Merkezi (QMM) bu aqqında haber berdi.
"Qırımda şimdi navigatsiya pek yaramay çalışa. Bir yol çizseñ, navigator sıq-sıq başqa bir yerge alıp kete ya da umumen boza”, – dep yerli sakinler aytalar.
QMM qayd etti ki, Qırım sakinleri navigatsiya bozğanı sebebinden çoq qıyınlıqnen rastkeleler. Hususan, servislerni yolculıq ve turistik maqsatlarınen qullanğanlar. Şimdilik bu meselelerniñ sebebi belli degil. Amma, bunıñ sebebi tehnologik bozmalar ya da bağ astyapısınıñ bozması ola bile.
"Qırımnıñ işğali şaraitinde pek çoq global hızmeti tehnikiy qıyınlıqlarnen ya da sakinlerniñ yaşayış keyfiyetini fenalaştırğan kirişni sıñırlavnen qarşılaşa. Qırımnıñ dünya tehnologiyasından umumiy izolâtsiyası sebebinden bu meseleler daa da kerginleşe bilir", – dep QMM qoştı.
Hatırlatamız ki, işğal etilgen Qırım sakinleri YouTube video-hostinginiñ işini ğayrıdan tiklegenini bildirdiler. O, arman ayınıñ başından berli çalışmadı.
Telegram ve Facebookta Suspilne Qırım haberlerine abune oluñız
