Kıyivniñ Şevçenko rayon makemesi işğal etilgen Qırımnıñ Kefe şeeriniñ 44 yaşındaki yerli sakinine üküm çıqardı. 2014 senesi Ukraina Silâlı quvetlerinde (USQ) hızmet etken adam işğalciler tarafına keçti. O, 14 sene apis cezasını ala ve bütün malları musadere etile bilir.
Jurnalist taqiqatları merkezi bu aqqında haber etti.
Qabaatlanğan adam 1997 senesinden başlap orduda añlaşma boyunca arbiy hızmette buluna edi — çeşit vazifelerni eda etti ve çeşit arbiy unvanlarda bulundı. 2013 senesi ilk qış ayında "Qırım" USQniñ ava quvetleriniñ taktik gruppasında arbiy qısımnıñ zenit raketa ordusınıñ 5010. gruppasınıñ (s-300PS) zenit raketa ordusınıñ radiotehnikiy batareyasınıñ komandanı vazifesine tayinlendi.
"Rusiye Federatsiyası Qırımnı qanunsız olaraq işğal ve ilhaq etken soñ 2014 senesi baarde USQniñ komandanlığı askerlerniñ yarımadadan ketecekleri müddetni belgiledi. Amma adam emirni yerine ketirmege razı olmadı ve qayd etilgen müddet içinde arbiy qısımğa barmadı, komandanlıqqa bulunğanı yer aqqında haber etmedi", – dep Jurnalist taqiqatları merkezi añlattı.
Daa soñra onıñ Rusiye işğalcileriniñ tarafına keçkeni ve RF Silâlı quvetlerinen añlaşma imzalağanı belli oldı. O, zenit raketa ordularınıñ bölüginiñ komandanı vazifesinde hızmet ete edi. Bundan da ğayrı, hain "leytenant-polkovnik" vazifesine yükseltildi
Makeme onı 2001 ve 2014 seneleri derc etilgen Cinayet qanunnamesine köre devlet hainligi ve qaçaqlavda qabaatladı. O, 14 sene apis cezası ve mal-mülkniñ musaderesine üküm etile bile. Lâkin üküm alâ daa küçüni almadı.
Hatırlatamız ki, Ukraina havfsızlıq hızmeti işğal etilgen Qırımda Rusiye Federatsiyasınıñ mal,mat siyasetini amelge keçirgen "Millet" Rusiye tarafdarı telekanalınıñ eki jurnalistine şübeli olğanını bildirdi.
Telegram ve Facebookta Suspilne Qırım haberlerine abune oluñız
