Uquq qorçalayıcılar 2024 senesi arman ayına qadar 8 etap adisesi qayd etti. Bütün siyasiy mabüsler - qırımtatarlardır.
Qırımtatar Maaliy Merkezi bunı bildirdi.
İşğalciler Raim Ayvazov, Remzi Bekirov, Abdulmecit Seitumerov, Amethan Umerov, Eldar Yakubov, Seidamet Mustafayev, Remzi Nemetulayev ve Ruslan Asanovnı etap ettiler.
QMM qayd etti ki, siyasiy mabüslerniñ esnasları insaniyetsiz şaraitte keçe: kerekli tibbiy yardım berilmey, insanlar çoq olğan kameralarda ve daimiy ruhiy ve fizikiy basqı altında bulunalar. Qayd etilgenine köre, bu usullar Rusiye Federatsiyasınıñ qırımtatarlar ve yarımadanıñ bütün ukrain tarafdarlarına nisbeten siyasiy mabüslerniñ maneviy ruhını bozmaq ve olarnı cemiyetten ayırmaq maqsadınen yapılğan siyasetiniñ bir parçasıdır.
"Bundan da ğayrı, insanlar apishaneler yanında aktsiyalar keçirmesinler dep, yaqınları ve soy-soplarınen bağ qurmağa qıyınlaştırmaq içün işğalciler olarnı siyasiy sebeplerden Qırımdan alıp keteler", - dep qayd ettiler uquq qorçalayıcılar.
Telegram ve Facebookta Suspilne Qırım haberlerine abune oluñız
