Eskender Zova — qırımtatar tilini ögrengen bloger. Lvivde on yıldan berli yaşağan Qırım sakini, eki ay evelsi ilk videonı yayınladı, onıñ Instagram saifesinde ise endi 11 biñden çoq abuneci bar. Erkekniñ esas meraqlarından biri — til ögrenüvidir. O, 10-dan çoq ecnebiy tilni bile.
Qırımtatar adamı Suspilne Qırım içün öz blogunı açqanını añlattı. Anda o, ukrainlerge qırımtatar tilini ögretmege yardım ete.
"Men Instagramda ve aynı vaqıtta TikTokta başladım. TikTok maña iltifat etti, çünki anda maña 20 biñ kösterüv berdi. Men de: "Ne?! Bir biñden çoq körüşüvni beklemey edim, amma mında 20 biñ, pek çoq begenici bar", — dep qırımtatar tilini populârlaştırıcı bildirdi.
Zenaatına köre, Eskender rejissör yardımcısıdır. Bundan da ğayrı, yedi sene devamında qırımtatar teatrinde aktör olıp çalıştı, onıñ sayesinde kadrlarda çalışmağa ögrendi.
"Men stsenariylerni yazam, er bir sözümni yazmayım, amma böyle, bular qısqa videolar. Men sadece bu aqta ne aytacağımnı yazıp qoyam. Soñra çekip alam. Şimdi tecribem bar — eñ çoq üç kere çekim yapam. Birincisini 10-15 kere tekrar ete edim. Yañlış yerge qayta, yañlış şey ayta edim", — dep añlattı o.
Adamnıñ esas meraqlarından biri — til ögrenüvidir. Onıñ kitap raflarında onlarnen çeşit luğatlarnı tapmaq mümkün.
"Men tillerni, er türlü tillerni pek sevem. Olar menim içün meraqlı. Til ne qadar siyrek olsa, o qadar meraqlıdır", — dep Zova ayttı.
Blogerniñ mektep çağında ögrengeni ilk yabancı tili ispan tili edi. Ondan soñ italyan, portugal ve fransız tillerini ögrene edi.
"Sırbistanda çoq vaqıt yaşadım, sırp tilini yahşı bilem. Sırpça, Hırvatça, Bosnânca. Leh, sloveniya, holland tillerini biraz bilem ve çoq vaqıt devamında isveç tilini ögrene edim, — dep qırımtatar qayd etti.
Aynı zamanda, Zova öz ana tili olğan qırımtatar tilini yahşı bilgenini tüşüne edi. Amma 2018 senesinden başlap fikrini deñiştirdi.
"Men qırımtatarca metinni yazmağa oturdım, ekinci-üçünci cümlede tek tüşüne edim, luğatqa bir söz qıdırıp baqtım. Soñra añladım ki, bu sözniñ nasıl deñiştirilgenini bilmeyim, nasıl bir çoqlıq doğru olğanını bilmeyim. Bu maña pek tesir etti ve men tilni ögrenmek içün malümat qıdırıp başladım", — dep bloger añlattı.
Öz tilini daa yahşı ögrenmek içün, anasından Qırımdan qırımtatar dersliklerini yollamasını rica etti, çünki Ukrainanıñ kontrolındaki topraqlarda böyle derslikler az edi. Aynı vaqıtta, o, qırımtatar tercimesinde belli ukrain yazıcılarınıñ eserlerini taptı.
"Añlaşılır ki, Şevçenkonı taptım. Şevçenkonıñ "Uzaq ve yaqınlar" kitabı bar, 2000 senelerniñ başında (basıldı — muar.). Lesâ Ukrainka bar. Men bunı bir tükânda 2 kapikke aldım. Lesâ Ukrainanı eki tomda qırımtatar tilinde olğanına pek quvandım", — dep Zova qayd etti.
Soñra Eskender özü qırımtatar tilini ögrenmek içün onlayn kurslarnı yarattı. O, tilşınas olmasa da, kelecekte bu fenni de elde etmege istey. Blogerniñ aytqanına köre, ğaye ukrainler tarafından raatlanğan edi, lâkin elektrik kesmege devam etken soñ kurslar toqtatıldı.
Buña baqmadan, adam qırımtatar tilini ögretmege devam etmege istedi, ve blog ğayesi peyda oldı. Qırımdan kelgen yımşaq semetdeşi Garbuzık adlı pardoş komfortlı ava yaratmağa yardım ete.
Zovanıñ qayd etkenine köre, qırımtatarlar ukrainler aqqında daa çoq bilmeliler, ukrainler ise qırımtatarlar aqqında daa çoq bilmeliler, çünki olar yan-yanaşa, aynı topraqta yaşaylar. Til bunı yapmaq içün mükemmel bir yoldır. Soñra adam qırımtatar tilinden ekspress dersini berdi.
"Qıyın degil ve tez. "Мама" — ana, "тато" — baba, "друг" — dost, "любов" — sevgi, "батьківщина" — vatan, "народ" — millet, "книга" — kitap, "кіт" — pardoş, "я тебе люблю" — "men seni sevem", — dep qayd etti o.
Telegram ve Facebookta Suspilne Qırım haberlerine abune oluñız
