Berim ayınıñ 16. sabası işğalciler Qara deñizge dört raketanen "Kalibr" qanatlı raketasınıñ taşıyıcısı olğan bir gemisini arbiy hızmetke yolladılar. Aynı zamanda Azaq deñizinde işğalcilerniñ gemileri yoq.
Ukraina Arbiy-deñiz quvetleriniñ matbuat hızmeti Telegramda bunı bildirdi.
Aynı zamanda Aq deñizde biri 4 raketağa saip olğan "Kalibr" qanatlı raketasınıñ taşıyıcısı olğan beş rusiye gemisi bar. Umumen 32 raketağa saip ola.
Bundan da ğayrı, keçken künü Rusiye Federatsiyasınıñ menfaatları içün Keriç boğazından Qara deñizge 12 gemi keçti, yedisi İstanbul boğazına areket ete edi. Azaq deñizine Keriç boğazından 11 gemisi keçti, olardan beşi İstanbul boğazına areket ete edi.
"Rusiye, avtomatik identifikatsiya sistemasını (AIS) söndürerek, 1974 senesiniñ Deñizde insan ayatınıñ qoruvı aqqında halqara şartnamesini (SOLAS) bozmağa devam ete", — dep qayd etildi.
Telegram ve Facebookta Suspilne Qırım haberlerine abune oluñız
