Qırımnıñ işğalli yolbaşçısı Sergey Aksönov üç sene devamında Qırım Cumhuriyetiniñ milletlerara munasebetler devlet eyyetiniñ başı olğan Ayder Tippanı işten çıqardı.
İşğalli ükümetniñ resmiy saytında işten çıqaruv emri yayınlandı.
Vesiqada aytıldı ki, Ayder Tippanıñ "Qırım Cumhuriyetiniñ devlet vatandaşlıq hızmetini eda etüv aqqında hızmet muqavelesi" toqtatıla. Memur öz isteginen işten çıqtı.
Qırım Cumhuriyetiniñ milletlerara munasebetler devlet eyyetiniñ sabıq başı Albert Kangiyev de aynı şekilde işten çıqtı.
İşten çıqaruv emri. Окупаційний Уряд Республіки Крим
Qayd etmek kerek ki, işğalniñ başlanğıcından o, bu müessiseniñ dörtünci başı edi.
Telegram ve Facebookta Suspilne Qırım haberlerine abune oluñız
