Berim ayınıñ 12. sabası işğalciler Qara deñizge 4 raketanen "Kalibr" qanatlı raketasınıñ taşıyıcısı olğan bir gemisini arbiy hızmetke yolladılar. Aynı zamanda Azaq deñizinde işğalcilerniñ gemileri yoq.
Ukraina Arbiy-deñiz quvetleriniñ matbuat hızmeti Telegramda bunı bildirdi.
Aynı zamanda Aq deñizde 4 raketağa saip olğan "Kalibr" qanatlı raketasınıñ taşıyıcısı olğan bir rusiye gemisi bar.
Bundan da ğayrı, keçken künü Rusiye Federatsiyasınıñ menfaatları içün Keriç boğazından Qara deñizge on eki gemi keçti, üçü İstanbul boğazına areket ete edi. Azaq deñizine Keriç boğazından doquz gemisi keçti, olardan beşi İstanbul boğazına areket ete edi.
"Rusiye, avtomatik identifikatsiya sistemasını (AIS) söndürerek, 1974 senesiniñ Deñizde insan ayatınıñ qoruvı aqqında halqara şartnamesini (SOLAS) bozmağa devam ete", — dep qayd etildi.
Telegram ve Facebookta Suspilne Qırım haberlerine abune oluñız
