"Ateş" arbiy-partizan areketi işğal etilgen Aqyarnıñ Gagarin rayonında Qara deñiz flotunıñ bazasını istihbarat etti.
"Ateş" öz Telegram kanalında bu aqqında haber etti.
"Biz tehnikanıñ, arbiy hadimlerniñ areket yollarını taqip etemiz ve RF Silâlı quvetleriniñ bu rayondaki er angi faaliyetini qayd etemiz. Bu sefer hadimlerniñ yaşağan ve oquğan yerleri teşkerildi, em de obyektniñ qoruv tertibi, nevbet hızmetiniñ işi aqqında ve başqa müim malümat alındı, o Ukraina mudafaa quvetlerine yollandı", — dep bildirildi.
Partisanlar qayd eteler ki, bu malümat Ukraina Silâlı quvetleriniñ daa semereli areket etkenlerine yardım ete ve Qırımnı işğalden azat eteceklerini yaqınlaştıra.
Telegram ve Facebookta Suspilne Qırım haberlerine abune oluñız
