Ukrainadaki Büyük Britaniya elçisi Martin Garris öz rezidentsiyasında Birleşken Qırallıqnıñ Qırımnen alâqaları, qırımtatarlarnıñ tarihı ve medeniyetine bağışlanğan oda açtı.
O, X`te (Twitter) bunı bildirdi.
"Qırım odası resmen açıldı — Qırım, Büyük Britaniyanıñ yarımadanen alâqaları, em de Qırım halqınıñ, hususan qırımtatarlarnıñ tarihı ve medeniyetine bağışlanğan Reysedentsiyamda mahsus bir yer", — dep bildirildi..
Aynı vaqıtta Ukraina Baş istihbarat idaresi (Bİİ) bildirdi ki, Bİİniñ "MAGURA" modeli Büyük Britaniya elçisiniñ Qırım odasını yaraştıracaq. Onı Qırım odasınıñ tantanalı açılışı vaqtında Daimiy Temsilci Tamil Taşeva berdi.
"Temsilcilik ve Ukraina Mudafaa nazirliginiñ Baş istihbarat idaresinden elçi efendimizge Qara deñizde Rusiye gemileriniñ eñ çoq sayısını yoq etken MAGURA V5 deñiz dronınıñ maketini berem", ― dep Tamila Taşeva qayd etti.
Bundan da ğayrı, Bİİ britaniyalılarğa ukrainlerniñ serbestlik ve vaqtınca işğal etilgen topraqlarnıñ azat etilmesi oğrunda küreşinde qol tutqanları ve yardım etkenleri içün teşekkür bildirdi.
Telegram ve Facebookta Suspilne Qırım haberlerine abune oluñız
