İşğal etilgen Qırımda özenler quruğanı sebebinden, Çorğuna ve Partizan yapma göllerine suv tökemege toqtadı.
2024 senesi arman ayında işğalli Qırımnıñ gidrometeorologiya ve etraftaki müitniñ nezareti idaresiniñ yarımadaki özenlerniñ vaziyetine dair esabatında aytıla.
"Özenlerde teren yazlıq alçaq seviye rejimi saqlanıla edi. Arman ayınıñ 8-nde Toplu köyü yanındaki Suv İndol özeni, arman ayınıñ 22-nde ise — Çorğuna özeni qurudı. Arman ayınıñ 28-nden berli ise Partizan yapma gölüniñ yuqarısında olğan Alma özeni qurumağa devam ete. Partizan ve Çorğuna yapma göllerine suv kelmey", — dep bildirildi.
2024 senesi arman ayında Qırımnıñ özenleriniñ vaziyeti aqqında esabat. Скріншот/ meteo.crimea.ru
Telegram ve Facebookta Suspilne Qırım haberlerine abune oluñız
