Milliy havfsızlıq, mudafaa ve istihbarat meseleleri eyyeti 2024 senesi saban ayınıñ 4-nde “Qırım Muhtar Cumhuriyeti ve Aqyar şeerinde cemaat akimiyetiniñ ğayrıdan tiklenilmesiniñ hususiyetlerine dair cenk vaziyetiniñ uquqiy rejimi aqqında” Ukraina Qanunına deñişmelerni kirsetüv aqqında qanun leyhasını (No 11064) qabul etti.
Ukraina prezidentiniñ Qırım Muhtar Cumhuriyetindeki temsilciligi bunı bildirdi.
Daimiy vekili Tamil Taşeva qayd etti ki, qanun leyhası Qırımnıñ işğali başlağanından berli sistematik şekilde çezilmegen meselelerni çezir. Bundan da ğayrı, qanun leyhasınıñ qabul etilmesi işğalden azat etilecek yarımadada devlet organlarınıñ faaliyetini ğayrıdan tiklemek içün müim bir adımdır.
"Vaqtınca işğal etilgen Qırımda devlet akimiyet organları çalışmay ve Qırım azat etilecek soñ olarnıñ işi ğayrıdan tiklenmeycek, dep tüşünemiz, leyha Qırım topraqlarında yerli seviyeden başlap cumhuriyet seviyesine qadar er seviyede arbiy memuriyetlerniñ teşkil etilmesini, saylanğan vazifelerde bulunğan ve devlet hızmetinde bulunğanlarnıñ vekâletleriniñ toqtatılmasını közde tuta”, — dep Taşeva qayd etti.
Telegram ve Facebookta Suspilne Qırım haberlerine abune oluñız
