Ukraina Yuqarı Şurasınıñ insan aqları vekâletlisi Dmıtro Lubinets Rusiyeni qanunsız olaraq maküm etilgen Ukraina vatandaşları, qırım siyasiy mabüsleri Server Zekiryayev ve Rustem Osmanovnıñ işkencelerini toqtatmağa çağırdı.
Ombudsman öz Telegram kanalında bunı bildirdi.
"İçtimaiy ağlar ve matbuat vastalarından Rusiye Federatsiyasınıñ Tula vilâyetindeki 1. apishanesi memuriyetiniñ qanunsız olaraq maküm etilgen qırımtatarlar, Ukraina vatandaşlarına nisbeten insaniyetsiz munasebetini ögrendim. Men, 13 senege maküm etilgen Server Zekiryayev ve 6 senege maküm etilgen Rustem Osmanov aqqında laf etem", — dep bildirildi.
Lübinets qayd etti ki, Server Zekiryayev kanalizatsiya sistemasınıñ toksik buharlarını nefes almağa mecbur. Sürekli nefes qıtlığı ve boyun limf bezleriniñ agressiv yanğısı sebebinden o, dört kün devamında uyqusız qalıp, sinir ve beden yorğunlığını çeke.
Server Zekiryayev aqqında ne bilemiz
Tevqif etilmegen evel Zekiryayev beden tasili ocası olıp çalışqan ve çiçekçilik yapqan edi. Onıñ 13 balası bar, adam tevqif etilgen soñ soñki balası doğdı. Siyasiy mabüsniñ saqatlı qızı bar, onıñ doğuvdan san çıkığı bar.
2017 senesi ekim ayınıñ 11-inde Bağçasarayda FSB işçileri altı qırımtatar adamını tuttılar: Server Zekiryayev, Tımur İbrahimov, Marlen (Süleyman) Asanov, Memet Belâl, Seyran Saliyev ve Ernes Ametov.
2018 senesi mayıs ayınıñ 21-inde bu cinaiy dava çerççivesinde Edem Smayilov ve Server Mustafayev tevqif etildi. Er kes Rusiyede terrorcı bir teşkilât olaraq tanınğan, amma dünyanıñ ülkeleriniñ çoqusında ve Ukrainada serbest şekilde faal etken Hizb ut-Tahrir islâm siyasiy fırqasınıñ faaliyetine ait olmaqta şübelendi.
2020 senesi berim ayınıñ 16-sında Rostov-na-Donudaki Cenübiy bölge arbiy makemesinde "Hizb ut-Tahrir davası"nıñ ekinci Bağçasaray gruppasını üküm ettiler. Qırımtatarlarnı 13-19 senege maküm ettiler.
2019 senesi oraq ayınıñ 18-inde Avropa parlamenti bir rezolütsiya çıqardı. Anda Rusiyeni bütün ukrain siyasiy mabüslerini, ve ekinci Bağçasaray gruppasınıñ iştirakçilerini azat etmege çağırdı.
Bundan da ğayrı, müstemlekeniñ memuriyeti, Rustem Osmanovnıñ qanunsız ceza çekkeni yerde, onıñ içün dayanılmaz tutuv şaraitini añlı tarzda yarata. Müstemlekege kelgeninden berli memuriyet hadimleri ve olarnıñ nezaretindeki mabüsler, onıñ Ukraina vatandaşlığı sebebinden devamlı qorquzuvlar, fizikiy zorbalıq ve aşağılavlar yapalar.
Server Zekiryayev aqqında ne bilemiz
Tevqif etilmegen evel Zekiryayev beden tasili ocası olıp çalışqan ve çiçekçilik yapqan edi. Onıñ 13 balası bar, adam tevqif etilgen soñ soñki balası doğdı. Siyasiy mabüsniñ saqatlı qızı bar, onıñ doğuvdan san çıkığı bar.
2017 senesi ekim ayınıñ 11-inde Bağçasarayda FSB işçileri altı qırımtatar adamını tuttılar: Server Zekiryayev, Tımur İbrahimov, Marlen (Süleyman) Asanov, Memet Belâl, Seyran Saliyev ve Ernes Ametov.
2018 senesi mayıs ayınıñ 21-inde bu cinaiy dava çerççivesinde Edem Smayilov ve Server Mustafayev tevqif etildi. Er kes Rusiyede terrorcı bir teşkilât olaraq tanınğan, amma dünyanıñ ülkeleriniñ çoqusında ve Ukrainada serbest şekilde faal etken Hizb ut-Tahrir islâm siyasiy fırqasınıñ faaliyetine ait olmaqta şübelendi.
2020 senesi berim ayınıñ 16-sında Rostov-na-Donudaki Cenübiy bölge arbiy makemesinde "Hizb ut-Tahrir davası"nıñ ekinci Bağçasaray gruppasını üküm ettiler. Qırımtatarlarnı 13-19 senege maküm ettiler.
2019 senesi oraq ayınıñ 18-inde Avropa parlamenti bir rezolütsiya çıqardı. Anda Rusiyeni bütün ukrain siyasiy mabüslerini, ve ekinci Bağçasaray gruppasınıñ iştirakçilerini azat etmege çağırdı.
Hizb ut-Tahrir, islâm siyasiy fırqasıdır. 2003 senesi Rusiyede o, terrorcı bir teşkilât olaraq tanındı, oña bağlı olğan insanlarnı ise taqip etmege başladılar. İştirakçileri, "qanunlarğa qarşı faaliyet"te ve böyle degen "cian hilâfeti"ni yaratmağa ıntılmağa qabaatlanalar. 2014 senesi Qırım işğal etilgen soñ işğalcilerniñ qanunları zapt etilgen Qırımda da qullanılmağa başlandı. Qırımlı musulmanlarnı da Hizb ut-Tahrirge bağlı olmaqta qabaatlamağa başladılar, böylece yarımadanıñ işğaline qarşı olğanı sebebinden qırımtatarlarğa basım arttı.
Rustem Osmanov aqqında ne bilemiz
Çiçek ayında qırım "FSB" haber berdi ki, "Armânsk" maşna keçit noqtasından Qırımğa ketmege tırışqanda" Rustem Osmanov tutuldı. RF CQniñ 208. maddesiniñ 2. qısmına (Qanunsız silâlı birleşmede iştirak) köre, FSB Osmanovğa qarşı cinaiy dava açtı.
Arman ayında Qırımdaki "Qarasuvbazar rayon makemesi", "Noman Çelebicihan adına batalyon"da iştirak etkeni sebebinden Rustem Osmanovnı 6 senege maküm etti.
2022 senesi ilk qış ayınıñ soñunda Rustem Osmanov mektüp yazıp yolladı. Anda añlattı ki, Geniçesk eerinde onı tutıp azapladılar.
Hatırlatamız ki, 2022 senesi bozarğan aynıñ 1-nde Rusiye Yuqarı makemesi Baş prokurlıqnıñ Noman Çelebicihan adına qırımtatar göñülli batalyonını terroristik teşkilât olaraq tanıp, onıñ faaliyetini Rusiye Federatsiyasında yasaq etmek davasını qanaatlendirdi.
Telegram ve Facebookta Suspilne Qırım haberlerine abune oluñız
