Rusiye Federatsiyasınıñ Mudafaa nazirligi, arman ayınıñ 26-nda Rusiye Silâlı quvetleri Qara deñiz üzerinde bir uçucısız aletni yoq etkenini bildirdi. Nazirlikniñ bildirgenine köre, Kursk vilâyetinde dronnı yoq ettiler.
Rusiye Mudafaa nazirligi resmiy Telegram kanalında bunı bildirdi.
"Tünevin saat 13:10 Kıyiv rejiminiñ Rusiye Federatsiyasınıñ toprağındaki obyektlerge uçaq tipli uçucısız aletniñ qullanuvınen terroristik ücüm yapmaq ıntıluvı toqtatıldı. Bir ukrain uçucısız alet Kursk vilâyetiniñ üzerinde ve daa bir uçucısız alet Qara deñizniñ üzerinde Ava mudafaası vastasınen yoq etildi", — dep bildirildi.
Hatırlatamız ki, keçenlerde Tamila Taşeva Ukraina vatandaş astyapısını ateşlemegenini qayd etken edi, şunıñ içün qırımlılar arbiy obyektlerden uzaq turmaq kerekler.
Ukraina Mudafaa quvetleri vaziyetni şimdilik izaatlamadılar.
Telegram ve Facebookta Suspilne Qırım haberlerine abune oluñız
