Qara deñizde ukrain askerleriniñ 2023 senesi berim ayında azat etkenleri "Boyko qullesi"niñ üç gaz çıqarıcı platforması yanıp başladı.
Yoldaşnıñ çıqarğanı bu fotoresimlerni arman ayınıñ 26-da OSINT analitikacısı MT Anderson öz X (eski Twitter) saifesinde yayınladı.
"Üç boru platforması da Zmiyinıy adasınıñ şarqında ücüm etildi... 2024 senesi arman ayınıñ 24-nde orta platformada yanğın, 3. platformadan ise duman çıqa", — dep bildirildi.
"Boyko qulleleri"niñ azat etilmesi aqqında ne bilemiz
Berim ayınıñ 11. künü Baş istihbarat idaresi haber berdi ki, Ukraina "Boyko qulleleri"ni — 2014 senesinden berli işğal astında olğan ve Rusiye tarafından tolu miyaslı tecavuzdan berli arbiy maqsatnen qullanılğan Qırım yalısı yanında Qara deñizdeki burğu gaz ve yermay çıqarıcı platformalarını öz kontrolına qaytardı.
Nezaret altına "Petro Ğodovalets" ve "Ukraina" qazma platformaları, em de "Tavrida" ve "Sivaş" öz-özüni kötergen qazma qurulışları qaytarıldı. Operatsiya vaqtında mahsus hızmetçiler Qara deñizde gemilerniñ areketini taqip ete bilgen "Neva" radiolokatsiya stantsiyasını tutıp aldılar.
Baş istihbarat idaresiniñ bilgilerine köre, öz operatsiyası vaqtında mahsus quvetçiler qıymetli ğanimetlerni aldılar. Şu cümleden, yolbaşçılıq yapılmaz uçaq raketaları türlü vertolöt silâsını ve Qara deñizde gemilerniñ ketmelerini nezaret etken "Neva" RLSnı aldılar.
"Boyko qulleleri" aqqında ne bilemiz
- "Boyko qulleleri" — Qırım yalısı yanında Qara deñizdeki burğu gaz ve yermay çıqarıcı platformalarıdır.
- 2014 senesi Rusiye, Odesadan 100 km ve işğal etilgen Qırımdan 150 km`te burğu platformalarını zapt etti.
- 2022 senesi bozarsan aynıñ 20-sinde Ukraina Silâlı Quvetleri, Qara deñizdeki "Boyko qulleleri"ne - "Petro Hodovalets" ve "Ukraina"ğa - raketa ücüminietip, ruslarnı Qara deñizde gaz çıqarma imkânından mamur ettiler.
- Tolu miqyaslı tecavuzdan berli RF platformalarnı arbiy maqsatnen, şu cümleden radiotehnik istihbarat vastasınen suv üzerindeki vaziyetni nezaret etmek içün qullana edi.
- "Bizim gazımızı hırsızlay ediler de, 2014 senesi Qırımnıñ işğali vaqtında Ukrainadan hırsızlanğan ediler de, ruslar anda öz REB stantsiyalarını yerleşe ediler. Ruslar olarnı öz gemileri içün qorçalav olaraq qullana ediler. Arqalarında gizley ediler, bizim mücize "Neptun"ımıznıñ olarnıñ sistemalarına ateş açamaması içün. Böylece oldı ki, o qullelerde bir kimse muvafaqiyetsiz tütün içti ve şimdi olar, ruslarnıñ tüşüngenleri maqsatnen qullanılmazlar", – dep 2022 senesi sabıq Ukraina mudafaa naziri Oleksiy Reznikov "Boyko qulleleri"ne raketa ücümini tefsir etti.
Telegram ve Facebookta Suspilne Qırım haberlerine abune oluñız
