Ukraina Mustaqillik Künü munasebetinen "Sarı şerit" areketiniñ faalcileri Aqmescit yapma gölü yanında Ukraina bayrağını köterdiler. Olar Ukrainağa qoltutuv aktsiyasını keçirdiler. İşğal etilgen Aqyar, Aqmescit, Yalta, Aluşta, Simeizde Ukrainağa qol tutqan levhalar ve timsaller peyda oldı.
Fallciler "Sarı şerit" areketiniñ Telegram kanalında bu aqqında haber ettiler.
Olar ukrainalılarnı bayramnen hayırlap, Ukraina Silâlı quvetlerine inanmağa çağırdılar.
"Qırım Ukrainanıñ qalacaq. "Sarı Şerit" faalcileri, başqa dost yerastı areketlerinen beraberlikte, narazılıqnı devam eteler ve er kesni Mustaqillik Kününen hayırlaylar! Ukraina Silâlı quvetlerine inanıñız ve unutmañız ki, işğalde Ukrainağa çoq ümüt eteler. Ve olar bekleyler. Salava Ukraini", — dep bildirildi.
Keçenlerde Ukraina Mustaqillik Kününe işğal etilgen topraqlarda "Sarı bant" areketiniñ faalcileri "Biz barmız. Biz Ukrainamız!" büyük aktsiyasını anons ettiler.
