Qırımda azatlıqtan marum etilgen siyasiy mabüsler arasında casuslıq, diversiya ve terrorizmde qabaatlanğanlarnen birleştirilgen pek çoq insan bar. Uquq qorçalayıcılar bu davalarnı "ukrain diversiyacıları" dep adlandırdılar.
Suspilne Qırımğa uquq qorçalayıcı İriıa Sedova bunı añlattı.
Onıñ qayd etkenine köre, işğalciler bu davalarda farqlı insanlarnı — jurnalistler, faalciler, uquq qorçalayıcılar ve adiy vatandaşlarnı maküm eteler.
"Olarnıñ arasında, misal içün, İrına Danılovıç bar, oña yalıñız jurnalist faaliyetinen oğraşqanı içün bomba attılar. Bu insanlar arasında casuslıqta qabaatlanğan ve işkencege oğratılğanlar da bar. Bazıları razı olalar, çünki ruslar alçaqlıqnen söz bereler ki, eger olar özlerini vatandaşlar degil de, Ukraina Silâlı Quvetleri ya da Ukraina Havfsılzıq hızmeti, Baş istihbarat idaresiniñ vekili ve ilâhre olaraq tanısalar, olarnı tezcef deñişirler. Tabiiy ki, bunıñ episi yalandır. Olar bunı statistika yapmaq ve haber alanında Rusiye Qırımdaki ukrain diversiyacılarınen muvafaqiyetnen küreşkenini köstermek içün yapalar", — dep Sedova qayd etti.
Onıñ sözlerine köre, şu anda uquq qorçalayıcılar, böyle denilgen ukrain diversiyacıları davalarında 40 insan qayd etildi. İşğalciler bu davalarnı sahte tüşünip açalar ve malümat cenkiniñ qısmı yapıp, olarnı halq ögünde añlatıp açıqlaylar.
"Qırımnıñ ealisini qorquzalar, insanlar qarşılıq köstermesin dep. Çünki, eger sen Ukraina tarafında olsañ, 18 yaşını alırsıñ, şartlı olaraq. İşte böyle bir mesaj malümat alanına qoyula. Ve olarnıñ daa bir mesajı, olarğa ukrainlerge qarşı genotsid tedbirlerini qanuniyleştirmege imkân bere — bütün ukrainler terrorist olalar", — dep uquq qorçalayıcı qayd etti.
Sedovanıñ qayd etkenine köre, tünevin arman ayınıñ 20. künü terrorizm davası çerçivesinde rusiye makemesi 35 yaşındaki İhor Korçınskıynı 18 senege maküm etti.
"Olarğa malümat alanında terrorizmde qabaatlanğanlarnıñ sahte davaları yardım ete. Bütün ukrainalılar terrorist olğanlarını bildirgen mesajlarnı tarqatmaq içün, köresiñizdir, olarnı ne qadar taptıq, maküm ettik, nasıl ükümler aldıq, daa qaçları gizlene, şunıñ içün olarnen küreşecekmiz, olarnı yoq etecekmiz ve işğal etilgen Qırımda taqip etecekmiz", — dep uquq qorçalayıcı hulâsa çıqardı.
Hatırlatamız ki, 2024 senesi bozarğan ayda Rusiyeniñ Rostov-na-Donu şeerindeki Cenübiy bölge arbiy makemesi Sergiy Aksönov ve Vladimir Konstantinovğa ücüm azırlağan "UHHniñ agentlerini" maküm etti. "İnterfaks" Rusiye haber hızmetiniñ malümatına köre, 2023 senesi çiçek ayında Qırımda FSB tarafından tutulğan Oleksandr Lıtvınenko ve Kostântın Yevmenenko aqqında laf etemiz.
Telegram ve Facebookta Suspilne Qırım haberlerine abune oluñız
