12 senege maküm etilgen qırım siyasiy mabüsi, vatandaş jurnalisti Amet Süleymanovnıñ alı pek zayıflaştı — oña acelen yürek klapanını deñiştirmek içün ameliyat kerek.
Aqayınen qısqa müddetli körüşüvde laf ete bilgen jurnalistniñ ömür arqadaşı Lilâ Lumanova "Qırım birdemligine" bunı bildirdi.
Onıñ sözlerine köre, üküm çıqarılmadan evel, Süleymanov ev apsinde bulunğanda, Rusiye devlet hastahanesine ameliyatqa ketmege tırışqan edi. O vaqıt o, etap etilgen soñ şimdi olğanı kibi apishanede ağır alda degil edi. Klapanını deñiştirmege iç bir vaqıt imkân olmadı.
Apishanede Lumanova, aqayına ameliyat yapıp-yapmaycaqları aqqında tibbiy hızmetniñ yolbaşçısınen laf etip oldı. Amma qadınnıñ cevabı belli degil edi. Tibbiy hızmetniñ başı ve emek bölüginiñ yolbaşçısınıñ aytqanına köre, ekimler Moskvadaki yürek cirrahçılığı merkezine ameliyat içün muracaat yolladı, amma FSVPRusiye Federal Cezalandıruv hızmeti hadimleriniñ aytqanlarından ğayrı, resmiy tasdıq yoq. Apishanede bu muracaatnıñ baqılması içün müddet daa belgilenmedi.
"Eger de ameliyat şimdi yapılmasa, yük ekinci yürek klapanına tüşer ve bir degil de, ekisini deñiştirmek kerek olur", — dep Lilâ Lumanov qayd etti.
Hatırlatamız ki, bu sene mayıs ayında Amet Süleymanovnıñ gipertoniya krizisi oldı. Qırım siyasiy mabüsiniñ yüksek basımı sebebinden burunından daima qan aqa, tez-tez başı aylana, nefes darlığı bar. Hronik yürek meseleleri qan damarlarına da tesir etti — qırımtatar adamı apayınıñ oña yollağanı ilâclarnı bermege tırışa edi. O, bir qaç kün evelsi, közlerinde qan tamırları açılğanda, yaralandı.
Siyasiy mabüsniñ apayınıñ aytqanı kibi, şimdi oña yürek ağrısı ve qan basımı içün ilâclar berile, amma qara ciğerine yardım etken ilâclar, qanı seyreltken ilâclar berilmey — areketsiz ayatı sebebinden qan tökülmesi bar. Onı yavaşlatqan ilâclarnen tedaviylediler, amma bir qaç daqqadan soñ olarnı lâğu ettiler. Rusiye apishanesiniñ ekimleri Ametniñ ilâcları ne içün toqtatılğanını aytmaylar.
Amet Süleymanov aqqında ne bilemiz
Süleymanov – 2014 senesi Rusiyeniñ Qırımnı qanunsız işğalinden soñ evlerniñ tintilmeleri ve qırımtatarlarnıñ tutulmaları aqqında haber bergen "Qırım birdemligi" içtimaiy jurnalistidir.
O, qalpnıñ qırmızı qan damarı ve mitral kemligini çeke. Siyasiy mabüsniñ apayı Lilâ haber berdi ki, aqayı operatsiya nevbetinde tura. Bundan ğayrı, o qayd etti ki, onıñ içün apishanede bulunmaq, "ölüm demektir".
Bundan ğayrı, qırımtatarnıñ saqatlığı bar, amma 2015 senesi Moskvada ameliyattan red etkeni sebebinden o lâğu etildi, çünki muntazam tarzda teddaviylegeni Kıyivde ameliyat yapacaq edi.
2020 senesi saban ayınıñ 11-inde işğal etilgen Qırımnıñ Bağçasaray şeerinde rus quvetçileri, evini tinttiler ve neticesinde o tutuldı. 2023 senesi çiçek ayınıñ 5-ine qadar Süyelmanov, qalp hastalığı sebebinden, ev tevkifi astında buluna edi.
Qorçalayıcı tarafnıñ qırımtatarnıñ sağlıq alına dair çoq ilânlarına baqmadan, Rovtov-na-Donudaki Cenübiy bölge arbiy makemesi onı 12 senege maküm etmege qarar berdi.
Avropa Şurasınıñ Parlament Assambleyasınıñ (AŞPA) maruzacısı, rusiye akimiyetini qanunsız olaraq tevqif etilgen jurnalist Amet Süleymanovnı azat etmege çağırdı.
Telegram ve Facebookta Suspilne Qırım haberlerine abune oluñız
