Rusiye işğalcileri, Enerğodardaki Zaporijjâ atom elektrik stantsiyasınıñ (ZAES) işçilerini işğal etilgen Qırımnıñ şifahanelerinde raatlanmaq içün imtiyazlı biletlerni satın almağa mecbur ete.
Atom elektrik stantsiyasınıñ hadimi Suspilne Qırımğa bunı añlattı.
"Bu yaz bizge Qırımğa tatilge barmağa teklif ettiler. Bizge 10-20% endirimnen satıla, amma bu daa paalı. Ömür arqadaşıñız AESde çalışsa, beraber ketmege imkânıñız olmaz. Olarnı yalıñız bizim idare etip olamağanımız tatil cedveline köre yollaylar", — dep qayd etti o.
Yerli sakinniñ fikirince, imtiyazlı biletler Qırımdaki yaramay kurort mevsiminen bağlı. Atom stantsiyasınıñ hadimi şunı da qoştı ki, o, raatlanğan çoq adam körmedi.
Qadın ve qorantası ZAESda çoqtan çalışqan ediler. Şimdi olar rus askerleri ve hadimleri tarafından daima nezaret etileler. 2022 senesi saban ayınıñ 4-nde rus askerleri elektrik stantsiyasını zapt etken soñ, işçilerniñ bir qısmı Ukrainanıñ kontrol etkeni topraqlarğa ketti. Olarnı Rusiye Federatsiyasından "Rosatom" hadimlerinen deñiştirdiler, dep Suspilne Qırımnıñ subetçisi bildirdi.
"Şimdi Enerğodarda endi qorqu duyğuları bar, ileride ne olacağını bilmeymiz, amma Ukrainağa qaytmağa isteymiz", — dep Zaporijjâ AESnıñ işçisi qayd etti.
Telegram ve Facebookta Suspilne Qırım haberlerine abune oluñız
