Rusiye tarafından casuslıqta qabaatlanğan qırımtatar Leniye Umerovanıñ qardaşı, onıñ davasında taqiqatçı deñişkenini bildirdi. Şimdi, onıñ saqlağanınen qabaatlanğan malümat devlet sırı olaraq tanılıp tanımağanı aqqında teşkerüv devam ete.
Leniye Umerovanıñ qardaşı Aziz, Suspilne Qırımğa bunı añlattı.
Azizniñ aytqanına köre, onıñ davasında taqiqatçı deñiştirildi. Şimdi devlet sırlarıonıñ saqlağanınen qabaatlanğan malümat devlet sırı olaraq tanılıp tanımağanı boyunca araştırma devam ete.
"Dava makemege berilecek, amma makeme oturışı nasıl keçecegi belli degil. İnsanlarnı bir oturışta maküm etkenleri ve taqiqat senelerge uzanğanları da vaqialar bar edi", — dep Aziz Umervo qayd etti.
Onıñ qayd etkenine köre, onıñ qız qardaşı bulunğan yerniñ şaraiti aqqında pek az şey belli, çünki tuvğanlarına onıñ mektüpleri siyrek kele. O şunı da qoştı ki, Leniyeniñ bazı mektüpleri tsenzuradan keçmey.
Aziz Umerovnıñ aytqanına köre, onıñ qız qardaşı yahşı keyfiyetli. Nariman Celâlnıñ azat etilgenini ögrengen soñ, onıñ azat etilüvge olğan işançı pekitildi.
"Advokatlarnıñ sözlerine köre, o, yahşı alda ve keyfiyetli. Narimannıñ azat etilgeni aqqında haber alğan soñ, onıñ keyfi alındı, azat etilüvge olğan ümüti ise pekitildi", — dep qardaşı qayd etti.
Leniye Umerova aqqında ne bilemiz
2022 senesi ilk qış ayından berli Rf akimiyeti, 25 yaşındaki qırımtatar Leniye Umerovanı qanunsız olaraq tuta edi. Oña qarşı bir qaç memuriy protokol tizdi. Birinci kere sanki vesiqalarını bermegen, bundan soñ sanki telefonını bermegen, bundan soñ da sanki "masadan çıqmağan ve qarşılıq köstergen".
Suspilne Qırım Leniyeniñ ağası Aziz Umerovnen laf etti. Rusiye tarafından ukrain pasportına saip olğanı ve rus pasportından red etkeni sebebinden maküm etilgen qardaşınıñ ikâyesini añlattı.
Qırım uquq qorçalayıcı gruppasınıñ başı Olha Skrıpnık, qırımtatar Leniye Umerovanıñ Rusiyedeki izolâtorda teqvif müddetiniñ uzutılmasınıñ sebeplerini añlattı. Bundan ğayrı, uquq qorçalayıcı, qadınnı işğalcilerden qurtarmağa ve evge qaytarmağa yardım etecek yollarnı bildirdi.
Quralaynıñ 5-inde Moskvadaki Lefortov rayon makemesi, ruslarnıñ Şimaliy Osetiyada 5 ayğa qanunsız olaraq tevqif etkeni qırımtatar Leniye Umerovanı epis etti. Leniye Umerovanıñ qorçalayıcıları, qorçalayıcı tedbirniñ miqdarını iddialaşmağa planlaştıralar.
İlk qış ayınıñ 18-inde Moskvadaki Lefortovo makemesi, qırımtatar Leniye Umerovanıñ qorçalayıcı tedbirniñ uzatılması aqqında taqiqatçınıñ ricasını baqtı. Qırımtatar qadınnı "casuslıq"ta (RF CQniñ 276. maddesi) qabaatlandı. Onıñ tevqif müddetini daa eki ayğa uzatıldı.
2024 senesi kiçik aynıñ 27-sinde rusiye makemesi, qorçalayıcı tarafnıñ Leniye Umerovanıñ tevqif müddetini uzatqan qararğa şikâyetnamesini red etti.
Telegram ve Facebookta Suspilne Qırım haberlerine abune oluñız
