İşğal etilgen Aqyarda oraq ayınıñ 15. gecesi bir qaç patlama duyuldı. Şeerniñ "gubernatorı" Mıhaylo Razvojayev Felenk burnu rayonında "uçucısız aletlerniñ ücümini toqtatqanını" bildirdi.
O, Telegram kanalında bunı bildirdi.
"Aqyarda uçucısız aletlerniñ ücümini toqtatqanlar. İlk malümatlarğa köre, Felenk burnu rayonında askerler endi bir uçucısız aletni urdılar. Aqyarnıñ qurtaruv hızmetiniñ malümatına köre, Felenk rayonında şahsiy evniñ toprağına viranelerniñ tüşmesi aqqında malümat qayd etildi", — dep 04:10da Razvojayev yazdı.
"Gubernator"nıñ malümatına köre, Rusiye ava mudagaası quvetleri saaat 06:20ge qadar uçucısız aletlerniñ ücümlerini toqtatqan ediler. Onıñ aytqanına köre, bu sebepten yaralanğanlar yoq.
Aynı zamanda Rusiye Federatsiyasınıñ toprağı ve işğal etilgen Qırımğa ucısız aletlerniñ kütleviy ücümleri aqqında Rusiye Mudafaa nazirligi Telegramda bildirdi.
"Devlet mudafaa hızmetiniñ yedek vastaları 22 uçucısız aletni, olardan 15-i — Brânsk vilâyetiniñ, 6-sı — Qırım Cumhuriyetiniñ ve 1-i — Lipetsk vilâyetiniñ üzerinde yoq etti ve yaqaladı", — dep bildirildi.
Telegram ve Facebookta Suspilne Qırım haberlerine abune oluñız
