Qırımnıñ işğalli akimiyeti, til öldürüvi ve teraktlardan zarar körgenlerni qoşmaq içün, Ukraina tarafından Qırımğa ketirilgen zararlar üzerinde "iddia" cedvelini kenişletmege planlaştıra.
Qırım parlamentiniñ başı Vladimir Konstantinov bunı bildirdi, dep RİA "Novosti Krım" yazdı.
"Yarımadağa ketirilgen zararlar üzerinde iddialarımıznıñ cedveli kenişletilmekte. Qırımğa Kıyiv tarafından yapılğan aşayt, naqliyat qamaçavı, devlet ekologiya genotsidi, til genotsidi sebebinden ketirilgen zararlarnı köz ögüne alsaq, iş endi başlandı", — dedi o.
İşğalci, işniñ soñuna ketirilecegini ve tazminat talaplarınıñ cedveline Qırım köpründeki teraktlardan zarar kirsetilecegini qayd etti. Şimdi suv ve energetik qamaçavından zararnıñ esaplanması devam ete, dep qoştı Konstantinov.
Keçenlerde Suspilne Qırım, Qırımnıñ işğalli akimiyetine Ukraina tarafından yarımadanıñ "energetik qamaçavı" sebebinden "devlet bücetine" zarar ketirgen 51 tomlı "vesiqa" berilgenini bildirgen edi.
Halqara uquqçı ve Prezidentniñ Qırım Muhtar Cumhuriyetindeki vekili Borıs Babin, işğalcilerniñ böyle davaları uquqiy derecede müim olmağanını ayttı.
Ukraina tarafı işğalli akimiyetniñ Qırımnıñ "energetika qamaçavı" üzerinde davaları aqqında beyanatınıñ başından berli olarnıñ areketlerini uquqiy ceetten boş dep saya.
Telegram ve Facebookta Suspilne Qırım haberlerine abune oluñız
