İşğal etilgen Aqyarda "polis" 77 yaşında yerli sakinge qarşı "Rusiye ordusınıñ itibarını tüşürgeni"RF MBQniñ 20.3.3. maddesiniñ 1. qısmı içün memuriy cinayet protokolını tizdi.
Oraq ayınıñ 9. künü Aqyarnıñ işğalli polisi öz Telegram kanalında bu aqqında haber berdi.
Taqiqatnıñ bilgilerine köre, işdeşlerinen subetleşkende qart adam Rusiye ordusınıñ areketleri aqqında menfiy laf etti.
"Rusiye Federatsiyası Memuriy bozmalar qanunnamesiniñ 20.3.3. maddesiniñ 1-inci qısmına binaen, polisler tarafından uquq bozğan adamğa qarşı memuriy bozma aqqında protokol tizildi. Maddeniñ sanktsiyası, otuz biñden elli biñ rublege qadar (13,8 biñden 23,1 biñ grivnağa qadar — muar.) memuriy para cezasını belgiley", — dep bildirildi.
Aqyarlı adamnıñ davanıñ baqılması içün işğalciler, davanıñ bilgilerini "Gagarin rayon makemesi"ne yolladılar.
Telegram ve Facebookta Suspilne Qırım haberlerine abune oluñız
