Keriçte "Zalıv" gemi qurucılığı zavodında işğalciler 23900 leyhalı yañı rus "İvan Rohov" universal desant gemisiniñ korpusını şekillendireler.
X içtimaiy ağında OSINT analitikacısı MT Anderson bu malümatnı derc etti.
Resimlerde geminiñ korpusınıñ bir qısmı körüne, onıñ keñligi 38 metrdir.
Hatırlatamız ki, bozarğan aynıñ 28-nde "Aq Bars" gemi qurucılığı korporatsiyasınıñ yolbaşçısı Renat Mistahov bildirdi ki, Rusiyeniñ 23900 leyhalı universal desant gemileri "İvan Rohov" ve "Mitrofan Moskalenko" Qırımdaki B.E. Butoma adına gemi qurucılığı zavodında qurulacaq. 2020 senesi oraq ayınıñ 20-nde işğal etilgen Keriçte 23900 leyhalı eki UDGniñ (universal desant gemisi) temelini qoydılar.
Telegram ve Facebookta Suspilne Qırım haberlerine abnune oluñız
