İşğalciler tarafından 12 senege maküm etilgen "Hizb ut-Tahrir davası"nıñ Qurman gruppasınıñ iştirakçisi Eskender Abdulganievni endi 5 aydır ŞİZOnıñ şiddetli şaraitinde tutalar.
Yuqarı Şuranıñ İnsan aqları temsilcisi Dmıtro Lubinets öz Telegramında bu aqqnda haber berdi.
"Eskender, tutuv şaraitiniñ yaramay olğanına şikâyet ete, onı bir kişilik yerine üç kişilik kamerada tutalar. Odada ava sisteması yoq, ayrıca sıcaq künlerde nefes almaq içün bir şey yoq. Suv içmege kelişmey — paslı ve qumlu", — dep ombudsman qayd etti.
Bundan ğayrı, Lubinest qoştı ki, bu qırımtatar adamınıñ aqlarınıñ birinci bozulması degil. Keçken sene orta küz ayında qırım siyasiy mabüsi Remzi Abdulganievni apishaneden müstemlekege avuştırmağa red ettiler. İşğalli makeme, Yuqarı Şuranıñ İnsan aqları temsilcisiniñ hatırlatqanına köre, apiste keçken vaqtını esapqa almağa red etti ve onı acele avuştırması aqqında muracaatını red etti. Şimdi o, üç seneden çoq apishanede buluna.
"Rusiye Federatsiyası tarafından qırımlılarnıñ aqlarını bozöa aqibetleri toqtatılmalı! İnsanlar kerekli şaraitte bulunmaq kerekler", — dep Lubinets qoştı.
Eskender Abdulganiev aqqında ne bilemiz
— 2020 senesi boş aynıñ 3. künü Rıstıv-na-Donudaki Cenübiy bölge arbiy makemesi, "Hizb ut-Tahrir davası"nıñ Qurman gruppasınıñ mabüsleri Rustem Emiruseinovnı 17 senege, Eskender Abdılganievni 12 senege ve Arsen Abhayirovnı 13 senege maküm etti. Birinci üç sene devamında olarnı eñ sert apis cezalarına maküm etti.
— 2021 senesi boş aynıñ 1. künü Apellâtsiya arbiy makemesi, Cenübiy bölge arbiy makemesiniñ qararını tasdıqladı. Tutulğanlarnıñ episi Rusiyede terroristik olaraq tanılğan, amma bir çoq memlekette, şu cümleden Ukrainada, sıñırsız faaliyet etken Hizb ut-Tahrir islâm siyasiy firqasında iştirak etkeninde qabaatlandı.
— Abdülganiev üç seneden çoq apiste buluna, amma Rusiye makemesiniñ qararına köre, siyasiy mabüs üç sene apiste qalmalı, soñ ise müstemlekege onı yollamalılar.
— "Hizb ut-Tahrir davası"nıñ Qurman gruppasınıñ mabüsleri Arsen Abhairov, Rustem Emiruseinov ve Eskender Abdulganiev makeme tarafından belgilengen müddetten çoq apishanede tutula. Aman-aman bir sene evel olarnı sert rejimli müstemlege avuştırmaq kerek ediler.
— Sabna ayında Rusiyeniñ Vladimir şeeridndeki müstemlekede Abdulganiev Rusiye vatandaşlığını qabul etmege mecbur etildi. O, bunı red etti, bundan soñ onı apishaneniñ tamir bölügine yerleştirdiler.
"Hizb ut-Tahrir davası"nıñ Qurman gruppası aqqında ne bilemiz
2019 senesi kiçik aynıñ 14-ünde Qurman rayonınıñ (Krasnogvardiysk rayonı) Büyük Onlar qasabasında bu gruppanıñ üç iştirakçisi tutuldı.
2020 senesi boş aynıñ 3-ünde Rostov-na-Donudaki Cenübiy bölge arbiy makemesi, davanıñ iştirakçilerini maküm etti. RF CQniñ 205.5. maddesiniñ 1. qımsına ("Terror teşkilâtınıñ faayiyeti") mücibi Rustem Emiruseinovnı 17 senege, RF CQniñ 205.5. maddesiniñ 2. qısmına ("Terror teşkilâtınıñ faaliyetinde iştirak etüv") mücibi Eskender Abdulganiyevni 12 senege ve Arsen Abhayirovnı 13 senege maküm etti.
Epilerini Rusiyede yasaqlanğan, amma Ukrainada ve dünyanıñ ülkeleriniñ çoqusında serbest şekilde faat etken siyasiy islâm fırqası Hizb ut-Tahrirge ait olmaqta qabaatladılar.
"Hizb ut-Tahrir" islâm siyasiy firqası tek Rusiyede terror olaraq tanıldı, çünki bu teşkilâtnıñ azaları musulmanlarğa qarşı repressiyalar içün işğalli akimiyetni muntazam sürette tenqit ete ediler. Aynı zamanda Hizb ut-Tahrir dünyanıñ memleketleriniñ çoqusında, şu cümleden Ukrainada, serbest çalışa.
Telegram, Viber ve Facebookta Suspilne Qırm haberlerine abune oluñız
