On Ukraina vatandaşı rus esirliginden azat etildi, olar arasında Qırımtatar Milliy Meclisiniñ başınıñ birinci muavini Nariman Celâl.
Ukraina prezidenti Telegramda bu aqqında haber berdi.
"Nariman Celâl, 2021 senesi Qırımda tutulğan Qırımtatar Milliy Meclisiniñ başınıñ birinci muavini", – dep qayd etti o.
Ukraina prezidenti, bu deñiştirüvni keçirmege yardım etkenlerge teşekkür bildirdi.
"Bundan ğayrı, bunı yapmaq içün, bu insanlarnı evge qaytarmaq içün Vatikannıñ ğayretşerini qayd etmege isteyim. Bütün insanlarımıznı mıtalaqa azat etirecekmiz!" – dep qayd etti o.
Qırımtatar halqı Meclisiniñ başı Refat Çubarov Nariman Celâlnıñ azat etilmesini Facebook saifesinde tefsi etti.
"Dostumız, qardaşımız, Qırımtatar Milliy Meclisiniñ başıniñ muavini Nariman Celâl endi tek azatlıqta degil, o endi Ukrainadadır. O, öz vatanında olğanını kefil ete. Evinden degil, Qırımda degil, çünki şu anda Qırım işğala astındadır. Amma bunı er keske quvançnen bildiremiz. Kreml mabüsleriniñ azat etilüviniñ tafsilâtlarını aytmaq mümkün degil, amma Ukraina Kremlniñ bütün mabüslerini azat etmek içün küreşmege devam ete", – dep bildirdi o.
Refat Çubarov qayd etti ki, Nariman Celâlnıñ azat etilmesi bir çoq şart ve sebepniñ tesadüfi neticesinde oldı, Rusiye tarafı Ukrainağa kerekli insanlarnı azat etmege tırışıp, bu qararnı qabul etmege mecbur oldı.
"Ukraina tarafından bütün muzakerecilerge Kreml mabüslerini, Qırım sakinlerini azat etmek içün yapqan ğayretleri içün teşekkürler bildiremiz", – dep qayd etti o.
Meclisniñ başı qoştı ki, Nariman Celâlnıñ azat etilüviniñ tafsilâtları yaqın vaqıtta aydınlatılacaq.
Suspilne Qırımğa tefsirinde Refat Çubarov, Mecliste bu vaqia bir qaç kün beklengenlerini bildirdi.
"Biz pek quvandıq. Menimce, bir qaç saat içinde onıñnen subetleşecegim", – dep Meclisniñ başı ayttı.
Ukraina prezidentiniñ Qırım Muhtar Cumhuriyetindeki daimiy temsilcisi Tamila Taşeva Facebook saifesinde hatırlattı ki, soñki sefer 2019 senesi berim ayında qarşılıqlı azat etüv yolunen rus esirliginden qırımlılar azat etildi.
"O vaqıt qırım siyasiy mabüslerini ve ukrain deñizcilerini tutıp aldıq. Qırımlılarnı azat etmek – pek qıyın bir iştir, Putin şahsen qırım mabüslerini azat etmege istemedi ve alâ daa istemey", – dep bildirdi o.
Tamila Taşeva qayd etti ki, bütün vaqıt odasında bar olğan Nariman Celâlnıñ resimi, Celâl imzasını berecek soñ, arbiy ihtiyacları içün hayriye auktsionında satılacaq.
"Men de seniñle, dostum, Leviza ve balalarıñıznen quvanam. Şimdi bütün Qırım, bütün Ukraina quvana. Şimdi sen Qırımğa barıp olamaysıñ, amma bu da olacaq. Çünki Qırım işğalcilerden azat olacaq!" – dep qayd etti o.
Suspilne Qırımğa tefsirinde Nariman Celâlnıñ apayı Leviza, aqayı Ukrainada olğanını tasdıqladı. O, ondan Qırımdan telefon açılmasını bekley:
"Qırım uyumay, er kes bayram ete, telefonlar bozula... Men onı eşitmege isteyim. Yürekler sıçray", – dedi o.
Nariman Celâl aqqında ne bilemiz
Nariman Celâl — 2016 senesi Rusiye tarafından "ekstremist teşkilâtı" olaraq tanılğan Qırımtatar Milliy Meclisiniñ başınıñ muavini.
2021 senesi berim ayınıñ 3-4. künleri işğal etilgen Qırımda Rusiye quvetçileri onıñ evini tinttiler. Olar, Anğara köyünde "gaz borusında diversiya" davası üzerinde beş insannı tuttılar. Olarnıñ arasında Nariman Celâl da bar edi. 2022 senesi berim ayınıñ 6-nda işğalli makeme onı tutıp, b mabüsler kibi apiske aldı.
2022 senesi berim ayınıñ 21-nde Qırımnıñ işğalli Yuqarı makemesi, Qırımtatar Milliy Meclisiniñ başınıñ birinci muavine üküm çıqardı.
O, 17 senege üküm etildi, 700 biñ ruble para cezasını aldı ve 1,6 sene devamında areket serbestligi sıñırlandı.
2022 senesi boş aynıñ 19-nda o, "Qırım inciri" edebiy mukâfatınıñ mahsus nominatsiyası olğan "Azatlıq sözleri"niñ laureatlarından biri oldı.
2023 senesi bozarğan ayda Qırımtatar Milliy Meclisiniñ başı Refat Çubarov, Aqmescit 2. SİZOnıñ memuriyeti Celâlnı maneviy ve fizikiy cezalavlarnen oğraşa, dep bildirdi. 2023 senesi orta küz ayınıñ başında Celâlnı işğalciler Qırımdan Rusiye apishanesine etap ettiler.
Telegram, Viber ve Facebookta Suspilne Qırım haberlerine abune oluñız
