Rusiye tarafından "casuslıq"ta qabaatlanğan qırımtatar, Ukraina vatandaşı Leniye Umerova Rusiye apishanesinden yañı mektüp yazdı.
Siyasiy mabüsniñ qardaşı Aziz Umerov Facebook saifesinde bu aqqında haber berdi.
O şunı da qayd etti ki, soñki vaqıtları Leniyeden haberler az oldı.
"Teşkericiler mektüplerni tutıp aldılar. Niayet, yañı mektübini aldıq, o, esirlikte olğan ayatına dair bir pencereni aça", - dep Aziz qayd etti.
Leniye mektübinde, SİZO esasen erkeklerden ibaret olğanı içün, kamerada yalıñız olğanını ayttı.
"Lâkin men yañğız olmaq menim içün oñayltı, ve bu vaqıt içinde alıştım. Kütüphaneden dersliklerni aldım, çeşit şeyler ögrendim. Soñki vaqıtları haberlerni pek seyir etmeyim, olar er kün daa çoq "stratosferağa uçıp keteler”. Men bellesem, kerçekten de müim haber olsa, bir şekilde bilecem", - dep qırımtatar qadını yazdı.
Leniye Umerova aqqında ne bilemiz
2022 senesi ilk qış ayından berli Rf akimiyeti, 25 yaşındaki qırımtatar Leniye Umerovanı qanunsız olaraq tuta edi. Oña qarşı bir qaç memuriy protokol tizdi. Birinci kere sanki vesiqalarını bermegen, bundan soñ sanki telefonını bermegen, bundan soñ da sanki "masadan çıqmağan ve qarşılıq köstergen".
Suspilne Qırım Leniyeniñ ağası Aziz Umerovnen laf etti. Rusiye tarafından ukrain pasportına saip olğanı ve rus pasportından red etkeni sebebinden maküm etilgen qardaşınıñ ikâyesini añlattı.
Qırım uquq qorçalayıcı gruppasınıñ başı Olha Skrıpnık, qırımtatar Leniye Umerovanıñ Rusiyedeki izolâtorda teqvif müddetiniñ uzutılmasınıñ sebeplerini añlattı. Bundan ğayrı, uquq qorçalayıcı, qadınnı işğalcilerden qurtarmağa ve evge qaytarmağa yardım etecek yollarnı bildirdi.
Quralaynıñ 5-inde Moskvadaki Lefortov rayon makemesi, ruslarnıñ Şimaliy Osetiyada 5 ayğa qanunsız olaraq tevqif etkeni qırımtatar Leniye Umerovanı epis etti. Leniye Umerovanıñ qorçalayıcıları, qorçalayıcı tedbirniñ miqdarını iddialaşmağa planlaştıralar.
İlk qış ayınıñ 18-inde Moskvadaki Lefortovo makemesi, qırımtatar Leniye Umerovanıñ qorçalayıcı tedbirniñ uzatılması aqqında taqiqatçınıñ ricasını baqtı. Qırımtatar qadınnı "casuslıq"ta (RF CQniñ 276. maddesi) qabaatlandı. Onıñ tevqif müddetini daa eki ayğa uzatıldı.
2024 senesi kiçik aynıñ 27-sinde rusiye makemesi, qorçalayıcı tarafnıñ Leniye Umerovanıñ tevqif müddetini uzatqan qararğa şikâyetnamesini red etti.
2024 senesi berim ayınıñ 13-nde qırımtatar Leniye Umerova nevbetteki deñişim çerçivesinde qaytarıldı. Onıñnen beraber 48 ukrainalı evge qayttı. Olar Ukraina Silâlı quvetleri, Milliy gvardiya, Milliy polis, Devlet sıñır hızmetiniñ askerleri ve vatandaşlardır.
Telegram ve Facebookta Suspilne Qırım haberlerine abune oluñız
