Qırımtatar siyasiy mabüsi ve vatandaş jurnalisti Remzi Bekirov Qurban bayramı munasebetinen qırımtatarlarğa hayırlavnen mektüp yolladı.
Tofik Abdulgazievniñ ömür aqradaşı Aliye Facebookta bunı bildirdi.
"Qurban bayramıñız mubarek olsus! Bu bayram künleri sizni külümsiretsin ve kelecekke işançnen qarşılasın", — dep Bekirov yazdı.
O emin ki, olarnen olğan bütün qıyınlıqlar vaqtıncadır, ve er birini mükâfat bekley. Siyasiy mabüs, Qurban bayramınıñ fedakârlıqnıñ timsali olğanını qoştı.
"Bütün dinimiz qurban etüvge esaslana", — dep qayd etti o.
Bekirov, Abdulgazievlerge yapqan işleri içün lâyıq taqdir almasını istey.
"Yüce Allah sizge sabır ve qaviylik bersin, Rahmetli Allah, aziz qardaşımnı tüzeltsin, onıñ alını yahşı etsin, oña sağ-selâmetini qaytarsın. Yüce Rabbimizge qorantañızğa baraqlât, yahşı sabır, sağlamlıq ve qoranta eyiligini tileyim", — dep Bekirov tiledi.
Hatırlatamız ki, 2019 senesi saban ayınıñ 27-nde Remzi Bekirov, evi tintilgen soñ tutulğan edi. Olarnı Rusiyede ve işğal etilgen Qırımda yasaq etilgen "Hizb ut-Tahrir" teşkilâtında iştirak etüvde qabaatlaylar.
2022 senesi mayıs ayında Rostov-na-Donudaki Cenübiy bölge arbiy makemesi, Remzi Bekirovnı 19 senege azatlıqtan marum etüv cezasına maküm etti.
Tofik Abdulgaziev aqqında ne bilemiz
2017 senesi mayıs ayınıñ 4-ünde Tofikniñ evi ilk kere tintildi. O zaman tutulmadı. 2019 senesi saban ayınıñ 27-sinde evi ekinci kere tintilgen soñ Abdulgaziev, Rusiyede yasaqlanğan "Hizb ut-Tahrir" teşkilâtına ait olmağa qabaatlanıp tevqif etildi.
2022 senesi mayıs ayında Rostov-na-Donudaki Cenübiy bölge arbiy makemesi, Tofik Abdugazievğa üküm çıqarıp, sert rejimli müstemlekede 12 senege maküm etti. Müddetniñ ilk beş senesini apishanede keçirmeli.
Bir yoldan soñ 2023 senesi mayıs ayında Vlasıstaki Apellâtsiya makemesi, qorçalayıcı tarafnıñ ükümge şikâyetnamesini baqtı ve ükümini deñiştirmeyip qaldırdı. 2023 senesi oraq ayında Abdulgaziev, RFnıñ Çelâbinsk vilâyetiniñ Verhnöuralsktaki apishanege etap etildi.
Tevqif etilmeden evel Tofik Abdulgaziev, qırım siyasiy mabüslerniñ balaları içün tedbirlerini teşkil etmege yardım etken edi. "Qırım birdemligi" cemaat birleşmesiniñ faalcisi, ses operatorı, "Qırım balalığı" leyhasınıñ iştirakçisi ed. Bundan ğayrı, siyasiy mabüslerge SİZOğa aşayt mahsulatını yollağan, siyasiy sebeplerden açılan davalarnıñ oturışlarını ziyaret etken, vatandaşlarnıñ evileri tintilgende olarnı destek etmege kelgen edi.
Telegram ve Facebookta Suspilne Qırım haberlerine abune oluñız
