Kıyivde keçirilecek "Hayaller ülkesi" 20-nci qavmiy festivaliniñ çerçivesinde "Qırım saanası: Bağçasaray" çalışacaq. Festival bozarğan aynıñ 21-23. künleri keçirilecek.
Ukraina prezidentiniñ Qırım Muhtar Cumhuriyetindeki Temsili bu aqqında haber berdi.
"Qırımlılar tarihiy olaraq festivalniñ yaşlarıdır. Olarnen çalışmaq er vaqıt zevqlı, oñaytlı ve tabiiy edi. Ukraina ve qırımtatar halqları arasında medeniy munasebetlerniñ inkişafı müimdir, cemiyet alâ daa umumiy qıymetlerimizge pek alışmay", – dep festivalniñ teşkilcisi Oleh Skrıpka añlattı.
Ukraina prezidentiniñ Qırım MCdeki daimiy temsilcisi Tamila Taşeva qayd etti ki, Qırım sanasında yüzden ziyade iştirakçi çıqışta bulunacaq.
O qayd etti ki, tedbirniñ esas vaqialarından biri Ukraina mudafaa quvetleriniñ ihtiyacları içün para toplamaq maqsadınen keçirilgen auktsion olacaq. Festival, qırımtatar sanatçıları İsmail Qurt-Umer, Tanâ Şah ve Shopping Hour GRP, Chayir, Ruslan Bulatov ve Aliya Hacabadinova, em de Üsein Bekirovnıñ kvinteti ve başqaları tarafından taqdim etilgen çeşit muzıka üslüplarınıñ çeşitligini vade ete.
"Şimdi bu sene "Hayaller ülkesi"ne celp etkenimiz artistlerniñ çoqusı esas Ukraina kontrolindeki topraqta yaşay. Bizim, qırımtatarlar içün büyük Ukrainada qırımtatar halqınıñ medeniyetini, doğrudan-doğru, Qırım yarımadasından kösterip olamağanımız büyük bir ağrıdır", — dep Taşeva Ukraina Recovery Conference 2024 matbuat konferentsiyasında qayd etti.
USQniñ çalğı taqımınıñ solisti İsmail Qurt-Umer, bu kibi leyhalarnıñ müimligini bildirdi vbe qayd etti ki, tedbirde qırımtatar türküleriniñ albomını taqdim etecek.
"Bizim leyhamız — o böyle, qırımtatar-ukraindir. Ve men, arbiy çalğıcı, qırımtatar, bu halqnıñ temsilcisi olaraq, bir çoq icadiy, içtimaiy leyhanıñ müellifi olaraq men, bu kibi medeniy leyhalarnıñ Qırımda yaşağan qırımtatarlar içün pek müim olğanını yahşı bilem. Bu askerler içün ne qadar müim olğanını bilem. Ayrıca cebedeki qırımtatarlar içün. Biz mında memleketniñ çeşitligini ve çoq taraflılığını köstergenimizde başqa ülkelerde biz faşistler degilmiz, nasistler degilmiz, dep aytalar", — dep İsmail añlattı.
O, Qırım mevzusını keniş auditoriya arasında rağbetleştirmek maqsadınen keçirilgen festivalniñ munaqaşa qısmına ayrı diqqat ayırdı. O, "Qırım ve barışıq. Ne içün Qırımnıñ işğalden azat etilüviniñ başqa çaresi yoqtır" adlı konferentsiyada tek Qırımnıñ içki meseleleri degil de, Qırımnıñ cian ceetindeki yeri muzakere etilecek.
Telegram ve Facebookta Suspilne Qırım haberlerine abune oluñız
