Fotoresimlerniñ talili neticesinde ögrenild ki, Qırım köprüniñ cenübiy tarafında sekiz barja qoyuldı. Britaniya istihbaratınıñ bilgilerine köre, mayıs ayınıñ 24. künü saat 10:00da olarnı qoymağa başladılar ve saat 22:00de bitirdiler.
Х içtimaiy ağında Büyk Britaniyanıñ Mudafaa nazirligi bu aqqında haber berdi.
“Rus askerleri köpür ve gemi qatnağan kanalnı qorumağa ıntılğanda ukrain uçucısız suv üzerindeki aletleri içün ücüm yolunı azlaştırmaq içün bu barjalarnı qoyıp yerleştirdiler”, – bildirdiler.
Bundan ğayrı, qayd etildi ki, keçenlerde qoyulğan manialar furtuna neticesinde bolzulıp, semeresiz oldı.
Hatırlatamız ki, "Ateş" arbiy-vatanperver arekeri haber berdi ki, işğalciler obyektni USQniñ Arbiy-deñiz quvetleriniñ taqmısız deñiz katerlerinden qorumaq içün işğal etilgen yarımadanıñ ğarbındaki Qırım köprü boyunca eski barjalarnı qoyıp yerleştirdiler.
Telegram ve Facebookta Suspilne Qırım haberlerine abune oluñız
