“Qırım Cumhuriyetiniñ Arbitraj makemesi”, “yarımadanı energiyadan bloklağanı neticesinde ketirilgen zarar Ukraina tarafından” qanaatlendirüv davasında Qırımnıñ işğalli akimiyetiniñ davasınıñ talabını tamamınen qanaatlendirdi.
Telegramda Qırım Devlet şurasınıñ böyle degen başı Vladimir Konstantinov bu aqqında haber berdi.
“Makeme oturışları neticesinde Ukraina Nazirler Kabineti, Ukraina energetika nazirligi, “Ukrenergo” milliy energetika şirketini Qırımnıñ hazinesine 3 trln 156 mlrd 605 mln ruble ödemeli”, - Konstantinov bildirdi.
Keçenlerde Suspilne Qırım haber berdi ki, Qırımnıñ işğalli akimiyeti, Ukraina tarafından böyle degen “energetika bloklığı”ndan “devlet bücetine ketirilgen zararlarnen bağlı 51 “vesiqa” yolladı.
Halqara uquqçı ve Prezidentniñ Qırım MCdeki Temsiliniñ eski daimiy vekili Borıs Babin añlattı ki, işğalcilerniñ böyle davalarınıñ uquqiy küçü yoq.
Qırımnıñ “energiya bloklığı” davası devrinden başlap, ukrain tarafı olarnı uquq ceetinden martaval adlandırdı.
Telegram ve Facebookta Suspilne Qırım haberlerine abune oluñız
