Rusiye Mudafaa nazirligi, bozarğan aynıñ 7. gecesi işğal etilgen Qırımnıñ avasında "11 ukrain uçucısız aletini tüşürgeni"ni bildirdi.
Rusiye Mudafaa nazirligi öz resmiy Telegram kanalında bu aqqında haber berdi.
"Keçken gece Kıyiv rejiminiñ Rusiye Federatsiyasındaki obyektlerge uçucısız aletlerinen teror ücümlerini yapmaq ıntıluvı yoq etildi. Ava Mudafaası sisteması, Qırım yarımadasınıñ avasında on bir uçucısız alet tüşürildi", — bildirdiler.
Bundan ğayrı, Rusiye Mudafaa nazirligi, Azaq deñiziniñ avasında daa sekiz dronnı ve RFnıñ topraqlarınıñ avasında daa bir qaç uçucısız aletni tüşürgenini bildirdi. Şu cümleden, Krsnodarskiy kraynıñ avasında altı, Belğorod vilâyetinde eki ve Rostov vilâyetinde bir dron tüşürilgen.
RF Mudafaa nazirligniñ haberiniñ fotoresimi. Telegram/Міноборони РФ
Telegram ve Facebookta Suspilne Qırım haberlerine abune oluñız
