Bozarğan aynıñ 6. gecesi Rusiye Mudafaa nazirligi, işğal etilgen Qırımnıñ avasında "13 ukrain uçucısız aleti"ni tüşürgenini bildirdi.
Rusiye Mudafaa nazirligi, resmiy Telegram kanalında bu aqqında haber berdi.
"Keçken gece Ava mudafaası sisteması, Qırım Cumhuriyetiniñ avasında on üç ukrain uçucısız aleti, Belhorod vilâyetiniñ avasında altı uçucısız alet ve Rostov vilâyetiniñ avasında bir gemige qarşı "Neptun" raketasını tüşürdi", — bildirdiler.
Ukraina Mudafaa Quvetleri, bu malümatnı resmen tefsir etmedi.
Telegram ve Facebookta Suspilne Qırım haberlerine abune oluñız
