Mayıs ayınıñ 30. künü Krasnodar şeerindeki umumiy uquqnıñ dörtünci kassatsiya makemesi, qırımtatar Appaz Qurtametniñ ükümini deñiştirmemege qarar berdi. Keçkende "silâlı birleşmege para bergeni" sebebinden onı yedi senege maküm etti.
Qırım uquq qorçalayıcı gruppası (QUQG) bu aqqında haber berdi.
Uquq qorçalayıcılar hatırlattılar ki, 2023 senesi arman ayınıñ 29. künü Qırımda işğalli "Yuqarı makeme" Appaz Qurtametniñ ükümini deñiştirmemege qarar aldı. Silâlı birlemege sanki para bergeni sebebinden onı yedi senege maküm etti.
Appaz Qurtametniñ tutulması aqqında ne bilemiz
2022 senesi oraq ayınıñ 23. künü Appaz Qurtamet Novooleksiyivka qasabasından Qırımğa aqrabalarına ketti. “Çonğar” KÇKNda aqrabalarınen bağını coydı.
Birazdan belli oldı ki, RF Cinaiy qanunamesiniñ 208. maddesiniñ 1. qısmına binaen Appaznı terror teşkilâtına para bermege qabaatlağan rus quvetçileri oğlannı tuttılar. Taqiqatçılarnıñ sözlerine köre Appaz, "Noman Çelebicihan adına batalyon"da hızmet etken tanışına borc 500 grivna berdi.
Qırımtatar Maaliy Merkezi haber berdi ki, bu "dava"da qabaat, "gizlengen şaatlar"nıñ sözlerine ve rus quvetçilerinen faalca çalışqan böyle degen "mütehassıslar"nıñ neticesine esaslana. Davanen bağlı oturışlar, halqara uquq qaidelerini ciddiy şekilde bozdı, dep Merkez belley.
Umumen belli oldı ki, işğalli makeme Qurtamet içün 10 senelik üküm soradı.
2023 senesi çiçek ayınıñ 20. künü RF tarafından teşkil etilgen Aqmescit makemesi Appaz Qurtametni ukrain göñülli batalyonına para bermege qalaatlap, yedi senege maküm etti.
Telegram ve Facebookta Suspilne Qırım haberlerine abune oluñız
