Bazarertesi, bozarğan aynıñ 3. künü "Qırım inciri" ukrain-qırımtatar edebiyat leyhası beşinci şair, yazıcı ve terciman konkursınıñ ğaliplerini bildirdi. Maqbul eserleri, beşinci kitapta basılacaq ve bu yaz "Qırım inciri" festivalında taqdim etilecek.
Bu leyhanıñ teşkilcisi, "QırımSOS" cemaat teşkilâtınıñ teşkilcilerinden biri Alim Aliev Suspilne Qırımğa bu aqqında haber berdi.
Onıñ sözlerine köre, umumen teşkilciler 268 eser aldılar — 237 yañı yazılğan eser ve eserlerniñ 31 tercimesi. 237 yañı yazılğan eserlerden 198-i ukrain tilinde, 39-ı ise qırımtatar tilinde yazılğan.
"Bu sene eñ çoq ukrain tilinde şiiriyet edi — bu, bar olğan kategoriyalardan eñ büyük edi. Umumen bu sene bizim yañı kategoriyamız bar — eseyistika ve bu mevzu çerçivesinde 20 metin aldıq", — Aliev qayd etti.
O bildirdi ki, qırımtatar tiliniñ inkişafı ve daa çoq tercime etilgen eserniñ olması içün bu leyha teşkil etildi.
"Qırım inciri"nda asla iştirak etmegen genç müellifler bizge qatılalar. Mümine Salievanıñ siyasiy mabüsler aqqında metni, bizim askerlerimizniñ yazğanları metinler bar. Em qayd etmek kerek ki, mevzusı kerçekten deñişe, qırım tarihınıñ farqlı devirleri, fantastika eserleri, novella da bar. "Qırım inciri"niñ üslübine köre çeşitli ve çoqlaşa. Añlaşılır ki, keçkende kibi bu kitap basılacaq", — Aliev qayd etti.
Leyhanıñ teşkilcisi bildirdi ki, tamam Qırımdan, çoqusı allarda qırımtatar tilinde pek çoq metin konkursqa yollandı. Metinlerniñ parçası tahallüs astında yazıldı.
"Qırım inciri" içün insanlar tarafından yazılğan metinler — işğalden tolu miqyaslı cenkke, çeşitli vaqialarğa reaktsiyadır. Türkiyedeki zelzele faciasına reaktsiya olaraq yazılğan metinler de bar. Bu kini metinlerni alamız", — ayttı o.
Ğalipler cedveli
Ukrain tilinde Qırım aqqında şiiriyet:
- Can Gül "Dağ çayı. Гірський чай";
- Kostântın Melnıkov "Yasâ";
- Svitlana Taratorina "Bir balasınıñ ikâyesi";
- Viktor Şepelev "Yolaqlı mışıqnıñ sözlerinden qızımnıñ yazıp qoyğanı Qırımnıñ kâinat programmasınıñ ikâyesi";
- Qoqlam "Deñiz közlerni soqurlatamı?".
Qırımtatar tilinde şiiriyet:
- Alie Kence-Ali "Edemniñ altıncı cesareti";
- Mümine Salieva "Esirlikte serbest olğanlar";
- Mustafa Kiyik "Bosağada beklerken".
Ukrain tilinde Qırım aqqında şiiriyet:
- Ada Yelagina, "Maña kelmemege izin ber" şiirler cıyıntığı;
- Seyare Kökçe "Qırımda ğayıp olğanlarğa";
- Yuriy Lişçuk "Еv (дім)";
- Yevheniya Yalunina "Blindaj";
- Taras Yaresko "Qr-notanı qıdırğanda".
Qırımtatar tilinde şiiriyet:
- Dilâver Zinedinov "Şiiriyet";
- Alie Kence-Ali "Yüzüm", şiirler cıyıntığı;
- Seyare Kökçe "Unutasıñ, yahut endi unuttıñ...";
- Muhtar Muhtarov "Tınçlıq yoq".
Qırım aqqında bala edebiyatı:
- Olha Denısenko, şiirler cıyıntığı;
- Zorâna Lisevıç, şiirler cıyıntığı;
- Aline Kence-Ali, şiirler cıyıntığı;
- Osman Resimci "Yaramazlar".
Qırım aqqında eseyistika:
- Anastasiya Babaş "Eston qırım qadını";
- Dilâver Zinedinov "Qırım, ve Qırımnıñ eñ acayip adamlarnıñ birisi aqqında";
- Kırılo Polişçuk "Meni avtovokzalda vaftiz ettiler";
- Hrıstına Semerın "Qırımnıñ geoşiiriy işğalden azat etilmesi";
- Mieste Hotopp-Riecke "Maymun & Hançer / Ötmek & Hasret".
Bediiy eserniñ qırımtatar tilinden ukrain tiline tercimesi:
- İnesa Dolennık, Maye Safet ve Seyran İbrahimovnıñ bediiy eserleriniñ tercimesi;
- Mustafa Osmanov, Osman Osmanovnıñ "Zıncırlı medreseniñ soñki baş müderrisi" eseriniñ tercimesi;
- Tamila Bekmambet, Yusuf Bolatnıñ "Nikâh qıyılmadı" eseriniñ tercimesi.
Bediiy eserniñ ukrain tilinden qırımtatar tiline tercimesi:
- Seyare Kökçe, Lina Kostenkonıñ "Qanatlar" eseriniñ tercimesi;
- Leylek, Mamure Çabanova, Boğdan Lepkıy "Poltavadan Benderge";
- Muhtar Muhtarov, İvan Frankonıñ "Taşçılar" eseriniñ tercimesi.
"Qırım inciri" aqqınfa ne bilemiz
Bu, 2018 senesi teşkil etilgen ukrain-qırımtatar edebiyat leyhasıdır. Konkurs, festival ve antologiya şeklinde inkişaf etilgen astyapısı bar. Leyhanıñ maqsadı, qırımtatar tili ve edebiyatını tarqatmağa ve inkişaf ettirmege, Qırım ve qırımtatarlar mevzusını ukrain edebiyatında aktualleştirmege, eki medeniyetni yahşıca añlamaq içün tercime etilgen eserlerni çoqlaştırmağa yönelgendir.
Bu sene konkursqa 268 eser yollandı: olardan 237-si yañı yazılğan eseri ve 31-i eserlerniñ tercimesidir. “Qırım aqqında eseyistika“ yañı nominatsiyası çerçivesinde 20 eser yollandı.
Konkursqa qatılğanlar arasında Ukraina Silâlı Quvetleriniñ askerleri ve çoq köçip kelgen insan, devlet içinde alınğan kişi ve ecnebiy ülkelerge köçken bar. Ukrainanıñ er bir bölgesinden, şu cümleden işğal etilgen ve yañı işğal etilgen topraqlarından, Lehistan, Almaniya, Qazahistan, Latviya, İtaliya, Büyük Britaniya ve Türkiye kibi ecnebiy ülkelerden eserler yollandı.
Telegram ve Facebookta Suspilne Qırım haberlerine abune oluñız
