Bozarğan aynıñ 3. künü işğal etilgen Aqyarda FSB hadimleri, RF Qaradeñiz flotu qarşı ve arbiy, naqliyat ve energetika obyektlerinde "terror aktını plaştırmağa" şübelengen be adamnı tuttılar.
TASS rusiye devlet malümat agentligine FSBniñ Vatandaşlarnen bağ merkezi (VBM) bu aqqında haber berdi.
FSBniñ sözlerine köre, "Zaporijjâ vilâyetinde tutulğan adamlar ukrain mahsus hızmetinen çalışmağa başladılar". Bundan ğayrı, poçta, avtobus ve gizlengen yerler vastasınen olar, bombalar içn eşyalarnı alğan ediler.
"Gruppanıñ azalarınıñ evleri tintilgen vaqıt qullanmağa azır olğan üç SVUMergin nişancınıñ tüfegi SVU , Büyük Britaniyada yapılğan tahminen 5 kg patlayıcı malzemeler, 600 gr trotil, arbiy maqsatlı elektrik bombalar, patylayıcı aletni areket ettirmek içün radio idare etilgen icra etici cihazlar tapıldı. Silânen üç gizlengen yer de tapıldı", — bildirdiler.
RF CQniñ 205. ("Terror aktı") maddesi ve RF CQniñ 275. ("Devlet hainligi") maddesine banaen adamlarğa qarşı "cinaiy davalar" açıldı. keçkende olar, RF CQniñ 222.1. ("Patlayıcı malzemeler ve patlayıcı aletlerni qanunsız olaraq saqlanuv") maddesine binaen maküm etildi. FSB tafsilâtlıca añlattı ki, olar ölümge qadar maküm etile bilirler.
Bundan ğayrı rusiye KHV bir video yayınladı. Anda Aqyarda "Mentor" tahallüsinen tutulğanlardan biri añlattı ki, onıñ vazifesi "arbiy uçaq limanını nezaret etmek" edi.
FSBniñ versiyasına köre, "Mentor" şu uçaq limanını patlatacaq oldı, amma gizlengen yerden patlayıcı aletni alğanda onı tuttılar.
Ukrain tarafı, bu vaqianı resmen tefsir etmedi.
Hatırlatamız ki, keçenlerde Qırımda işğalciler adam ve qadınnı tuttılar ve demiryolda "terror aktını" azırlamağa qabaatladılar. Qırım uquq qorçalayıcı gruppasınıñ idaresiniñ başı Olha Skrıpnık, işğalcilerniñ bu areketini tefsir etti. O qayd etti ki, böyle areketler FSB içün tipiktir, davalarnıñ çoqusı ise 2022 ve 2023 seneleri, yani RFnıñ tolu miqyaslı tecavuzı başlğan soñ, açıldı.
Skrıpnık qayd etti ki, Qırım uquq qorçalayıcı gruppasınıñ bazasına köre, işğalciler daa çoq insannı diversiya, casuslıqta qabaatlamağa başladılar. Onıñ sözlerine köre, böyle davalar qapalı rejimde taqiq etilir.
Telegram ve Facebookta Suspilne Qırım haberlerine abune oluñız
